Саха сирин бэрэстэбиитэллэрэ ПМЭФ-2023 чэрчитинэн 20 көрсүһүүнү ыытар былааннаахтар

Санкт-Петербурга бэс ыйын 14-17 күннэригэр ыытыллар XXVI-с Норуоттар икки ардыларынааҕы экэнэмиичэскэй пуорум чэрчитинэн, Саха Өрөспүүбүлүкэтэ социальнай-экэнэмиичэскэй сайдыыга туһуламмыт 12 сөбүлэһиини түһэрсэр былааннаах.

Ол курдук, пуорум кэмигэр “АЛРОСА” уонна ХЭУо “ДББ” сөбүлэһии түһэрсэллэрэ күүтүллэр. Бу сөбүлэһии түмүгүнэн Мииринэй оройуонугар айылҕа гааһыттан гелийи арааран ылар собуот тутуллуохтаах.

Маны таһынан Илиҥҥи эрэгийиэнннэри сайыннарыы министиэристибэтин кытта Дьокуускай куорат маастар-былаанын олоххо киллэрии сүрүн бырайыактарын туһунан сөбүлэһиигэ илии баттанара былааннанар. “Сбер”, «Государственная транспортная лизинговая компания», «Промсвязьбанк», «Глонасс» уо.д.а. Арассыыйа бөдөҥ хампаанньаларын кытта араас эйгэни сайыннарар соруктаах сөбүлэһиилэр ситиһиллиэхтэрэ.