Саха сирин боксаҕа сүүмэрдэммит хамаандата Уһук Илин чөмпүйэнээтигэр кыттыаҕа

Владивосток куоракка боксаҕа Уһук Илин бастыыр иһин күрэхтэһии уонна чөмпүйэнээт саҕаланна. Күрэхтэһиигэ эрэгийиэннээҕи хамаандалартан кыргыттар, юниордар уонна дьахталлар кытталлар.

Саха сирин дьахталларга боксаҕа сүүмэрдэммит хамаандатын үс бастыҥ спортсмена көмүскүөҕэ. 48 киилэҕэ диэри ыйааһыҥҥа риҥгэҕэ Людмила Семёнова тахсыаҕа, 60 киилэҕэ диэри Нарыйаана Васильева киирсиэҕэ, оттон Алия Оконосова 80 киилэттэн үөһээ ыйааһыҥҥа кыттыаҕа.

Бэлиэтээн эттэххэ, бу күрэхтэһии дьахталларга Арассыыйа чөмпүйэнээтигэр сүүмэрдээһин буолар диэн “Триумф” киин иһитиннэрэр.