«Саха сирин бриллианнара» муус оҥоһуктар бэстибээлэ аһылынна

Бүгүн, сэтинньи 24 күнүгэр, «Кыһын Саха сириттэн саҕаланар» өрөспүүбүлүкэтээҕи бэстибээл чэрчитинэн Орджоникидзе болуоссакка «Саха сирин бриллианнара» Аан дойдутааҕы кыһыҥҥы муус уонна хаар оҥоһуктар куонкурстара аһылынна, диэн Дьокуускай куорат дьаһалтата иһитиннэрэр.

Куонкурус кыттыылаахтарын куорат мэрэ Евгений Федоров эҕэрдэлээтэ. «Саха сирин бриллианнара» – бу биһиги куораппыт ураты тэрээһинэ. Куорат олохтоохторо болуоссаты киэргэтэр араас дьикти кэрэ оҥоһуктары кыһын аайы кэтэһэллэр. Эһиги талааҥҥытыгар уонна сыраҕытыгар сүгүрүйэбин. Толкуйдаабыккыт барыта сатаннын, тыһыынчанан куорат олохтооҕун үөрдэ турдун!», – диэн эттэ Евгений Григорьев.

Бүгүн күнү быһа «Аан дойду норуоттарын остуоруйата» блиц-турнир ыытыллыа: муус оҥоһуктар киэһэ бэлэм буолуохтара. Салгыы маастардар хамаандалара 203 түөлбэ аттыгар баар Муус куоракка оҥоһуктары оҥоруохтара. Куонкурус түмүгэ сэтинньи 30 күнүгэр тахсыа.