СӨ бастакы бэрэсидьиэнэ М.Е. Николаев 85 сааһыгар аналлаах саахымат өрөспүүбүлүкэтээҕи III кэнгириэһин иитинэн, түргэн оонньууга үөрэнээччилэргэ норуоттар икки ардыларынааҕы онлайн турнир буолан ааста.
Күрэхтэһиигэ Армения, Саха сирэ уонна Уһук Илин федеральнай уокурук сүүмэрдэммит хамаандалара кытыннылар. Икки чаастаах онлайн оонньуу түмүгүнэн, 7 ахсааннаах Саха сирин хамаандата кыайыылааҕынан таҕыста. Иккиһи Уһук Илин федеральнай уокурук (6,5 ахсаан), үсүһү Армения (4,5 ахсаан) ыллылар.
Кыайыылаахтар уонна миэстэлэспиттэр электроннай дипломнары туттулар, онтон кыттааччылар – электроннай сэртипикээттэри.
Тэрийээччи, Саха Өрөспүүбүлүкэтин эдэрдэргэ сүүмэрдэммит хамаандатын үрдүкү тириэньэрэ Роман Ганжуров кыттааччыларга махтанан туран, салгыы күрэхтэһиилэргэ ситиһиилэри баҕарда, турнирга кыттыы уопуту эрэ буолбакка, бэйэ кыаҕын арынарга көмөлөһөр диэн эттэ.
Армения сүүмэрдэммит хамаандатын тириэньэрэ Sargis Manukyan оҕолор бэйэ-бэйэлэриттэн үөрэнэллэрин уонна алтыһалларын туһугар тэрийээччилэр маннык турнирдары төһө кыалларынан элбэхтик ыыталларыгар баҕа санаатын тиэртэ.
Санатан эттэххэ, онлайн турнир бүгүн lichess.org саахымат платформатыгар буолла уонна скайпынан көһүннэ.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…