А.Сорокин, ЯСИА
Саха сирин Ил Дархана Айсен Николаев балаҕан ыйын 27 күнүгэр ыйытыыларга хоруйдуоҕа. Үгэскэ кубулуйбут олохтоохтору кытта кэпсэтии сыл аайы Саха Өрөспүүбүлүкэтин Судаарыстыбаннаһын уонна Саха Өрөспүүбүлүкэтин күнүгэр ыытыллар.
Эрэгийиэни салайыы киинигэр эппиттэринэн, киирбит ыйытыыларга хоруйдары ыыталлар, ол иһигэр быһа эпиир кэмигэр иһиллибэтэх боппуруостарга эмиэ. Олохтоохтор туруорсар кыһалҕаларынан чопчу үлэни-хамнаһы тэрийэллэр.
Ол курдук, 2019 сыллаахха төрөппүттэр ыйытыыларыгар хоруйдууругар Айсен Николаев Речевой оскуолаҕа саҥа дьиэни тутар туһунан эппитэ. Тутуу үлэтин 2020 с. саҕалаан, 2023 сылга оҕолор саҥа дьиэҕэ кирбиттэрэ. Эргэ дьиэлэрэ 1964 с. тутуу этэ.
2023 сыл олунньу 27 күнүгэр Дьокуускай олохтооҕо А. үөрэнээччилэр Бүтүн Арассыыйатааҕы олимпиадаларын призердарыгар тоҕо бириэмийэ көрүллүбэтий диэн ыйытыытынан 2023 сыл ахсынньы ыйга Ил Дархан ыйааҕа тахсыбыта. Ол быһыытынан кыайыылаахха 500 тыһ. солк., призерга – 100 тыһыынча солкуобай бэриллэрэ олохтоммута.
Ону тэҥэ 700 туйгун үөрэнээччигэ, бастыҥ спортсмеҥҥа, олимпиадникка 25 тыһ. солк. биир кэмнээх бириэмийэ бэриллэр уонна Ил Дархан Харыйатыгар ыҥыраллар.
2023 сыл муус устар 27 күнүгэр Дьокуускай куорат 1 №-дээх орто оскуолатыгар саҥа дьиэни тутар туһунан хас да киһиттэн киирбит туруорсуунан 2024 с. оскуола тутуута саҕаламмыта. Билигин түөрт этээстээх эбийиэк 75 % бэлэм буолла.
Быйыл муус устар 27 күнүнээҕи быһа илииньийэҕэ 17 №-дээх оскуола наһаа толорутун туһунан этиллибитэ. Айсен Николаев дойду Бэрэсидьиэнин бигэргэппит маастар-кылааһынан бу оскуолаҕа түөрт этээстээх сыһыары тутууну тутарга эппитэ. Билигин чинчийэр үлэ саҕаламмыт
Мэдиссиинэнэни каадырынан хааччыйыыга 2025-2026 сс. 588 устудьуон үөрэнэ киирбит. Федеральнай бүддьүөт суотугар специалитет бырагырааматынан 206 киһи үөрэҕи саҕалаабыт, өрөспүүбүлүкэ бүддьүөтүнэн орто анал үөрэххэ – 305.
Айсен Николаевы кытта “Быһа лииньийэ” балаҕан ыйын 27 күнүгэр киэһэ 19.00 чаастан саҕаланыаҕа.
“Саха”НКИК, “Якутия 24”, “Россия 24” көрдөрүөхтэрэ, араадьыйанан “Тэтим”, “Радио России”, “Виктория Саха”, “СТВ-радио” кэпсиэхтэрэ уонна Айсен Николаев социальнай ситимнэринэн тарҕаныаҕа.
Саха сирин ЦУР чат-ботунан Telegram @voprosGlaveYakutii_bot эбэтэр колл-киин нүөмэринэн ыйытыҥ: 8 (4112) 506-006. Колл-киин үлэтэ: 09:00-тан 18:00 диэри.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/12320
Ахсынньы 25-30 күннэригэр өрөспүүбүлүкэ киин куоратыгар кыһыҥҥы кэм биир саамай күүтүүлээх тэрээһинэ «Саха сирин амтана» …
АЛРОСА генеральнай дириэктэрэ П.А.Маринычев дуоһунаһыттан барар былааннаах уонна СӨ Ил Ил Дарханынан буолар диэн кэккэ…
Астаапый, куорат оҕонньоро, хас эмэ сылы санаа ымыыта оҥостубут, баҕарбыт баҕата туолан, курдаттыы тартаран кута-сүрэ…
Ил Дархан Айсен Николаев СӨ баһылыгын дуоһунаһыттан босхоломмутун туһунан олоҕо суох иһитиннэрии социальнай ситимнэргэ тарҕанна.…
Бүгүн Дьокуускай куорат дьаһалтатын баһылыга Евгений Григорьев Былатыан Ойуунускай аатынан Саха академическай тыйаатырыгар үөрүүлээх быһыыга-майгыга …
Ааҕааччыбытыттан маннык ыйытыы киирдэ: — Куобах тириитэ эмтээх дуо? Мэҥэ Хаҥалас Майа сэл. олохтооҕо, любитель-булчут…