Саха сирин Казачай кылаастарын хамаандата бүтүн Арассыыйатааҕы күрэх түһүмэҕэр бастаата

Хабаровскайга Бүтүн Арассыыйатааҕы успуорт оонньууларын эрэгийиэннээҕи-байыаннай түһүмэҕэ: «Готов к труду и обороне» казак ыччатын сүлүөтэ буолан ааста. Тэрээһини Уссурийскай войсковой казачай уопсастыбата ыытта.

Күрэхтэһиигэ Саха сириттэн, Амурскай, Сахалинскай уобаластартан, Хабаровскай кыраайтан хамаандалар кэлэн кытыннылар.

Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.

Хас даҕаны күн күрэхтэһээччилэр атынан айаҥҥа, буулдьанан ытыыга, ханаатынан тардыһыыга, сүүрүүгэ, хаамыыга, гранатаны быраҕыыга, гиирэни анньыыга, мини-футболга, историческай квесткэ күрэхтэстилэр. Ону таһынан ыччаттар «Хамаанда визитнэй карточката», «Оллоон аттыгар» айар куонкурустарга кытыннылар.

Күрэхтэһии казачай хамсааһыны тарҕатыы, ыччакка патриотическай тыыны иҥэрии, байыаннай сулууспаҕа бэлэмнээһин уонна Аҕа дойдуга сулууспаҕа бэлэми көрдөрүү сыаллаах ыытылынна.