Хаартыска: Саина Титова, СИА
Алтынньы 4 күнүгэр Саха сирин 40 нэһилиэктэригэр киинэ саалалара аһылыннылар.
Олортон биирдэстэрэ 800-чэкэ нэһилиэнньэлээх Төхтүр сэлиэнньэтин култууратын дьиэтигэр үлэлээтэ. Бастакы көрөөччүлэр аһыллыы күнүгэр«Там, где танцуют стерхи» сахалыы киинэни босхо көрдүлэр. Киинэ саалатыгар Хаҥалас улууһун араас сэлиэнньэлэриттэн дьон-сэргэ муһуннулар.
Покровскай куорат олохтооҕо Гера Шишигина этэринэн, киинэ саалата нэһилиэк дьон-сэргэтин түмүөҕэ, ону кытта сынньалаҥ күннэри атаарарга интэриэһинэй буолуо диэн бэлиэтиир. Көрөөччү култуура дьиэтигэр ааспыт күрэхтэһии кэнниттэн тутатына киинэ саалата аһыллыытыгар кэлбит.
«Урут 1 №-дээх Покровскайдааҕы орто оскуолаҕа учууталынан үлэлээбитим, оттон билигин биэнсийэҕэ олоробун. Киинэ, биллэн турар, олохтоох дьону-сэргэни түмэр. Билигин араас киинэлэр олус элбэхтэр. Арассыыйатааҕы эрэ буолбакка, биһиги саха киинэлэрбит эмиэ бааллар. Бүгүн манна Хаҥалас улууһун бэтэрээннэрин ортолоругар успуорт араас көрүҥнэригэр күрэхтэһиилэр ыытылыннылар. Күрэхтэһии кэнниттэн сахалыы киинэни көрүөххэ олус үчүгэй», — диэн Гера Шишигина кэпсиир.
Санатан эттэххэ, саҥа киинэ саалалара Амма, Аллайыаха, Бүлүү, Үөһээ Бүлүү, Горнай,Эдьигээн, Кэбээйи, Нам, Ньурба, Мэҥэ Хаҥалас, Өймөкөөн, Сунтаар, Таатта, Томпо, Хаҥалас, Чурапчы уонна Эбээн Бытантай улуустарын нэһилиэнньэлээх пууннарыгар аһыллыбыттара. Билигин Саха сиригэр барыта 70-ча киинэ саалата баар.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…