Саха сирин олохтооҕо «Азия оонньууларыгар» остуол тенниһигэр Москва сүүмэрдэммит хамаандатыгар киирдэ

Чурапчыттан төрүттээх уол Москватааҕы олимпийскай эрэл училищетыгар үөрэнэр.

Кини остуол тенниһигэр полуфиналы Москва сүүмэрдэммит састаабыгар ааста.

Бүгүн «Сулус» физкультурнай-чэбдигирдэр комплекска биирдиилээн разрядка остуол тенниһигэр күрэхтэһии буолла. Чурапчы улууһуттан Изот Кривошапкин, Москва сүүмэрдэммит састаабыгар киирбит уол, полуфиналга таҕыста, диэн СИА иһитиннэрэр.
Саха сирин олохтооҕо чиэппэр финалга Бурятия спортсменын утары кииристэ уонна 4:0 ахсаанынан кыайда. Бэҕэһээ Изот пааранан разрядка биир хамаандалааҕын Павел Романовскайы кытта кыһыл көмүһү ылбыта. Чурапчыттан төрүттээх уол Саха сирин сүүмэрдэммит хамаандатын тириэньэрин Аркадий Иванов үөрэнээччитэ буолар.

«Сарсын Екатеринбургтан кэлбит Игорь Гордины кытта оонньуом. «Азия оҕолоро» дойдубар буолара үчүгэй, мин туспар ыалдьаллара миигин өйүүр» , — диэтэ Изот Кривошапкин.