Саха сирин олохтоохторо тугу аһыылларый?

Ханнык бородуукталарга элбэх харчыны тутталларый диэн ыйытыы элбэх киһини интэриэһиргэтэр буолуохтаах. Саха сирин олохтоохторо ордук тугу атыылаһан аһыылларын туһунан дааннайы бу күннэргэ Сахастат иһитиннэрдэ.

2022 сылга дьиэ хаһаайыстыбатын бүддьүөтүн чинчийии түмүгэр уопсай ороскуот 33,8% өлүүтэ бородууктаны атыылаһыыга барара быһаарыллыбыт.

Ол курдук, бары ороскуоттан эти уонна эт аһы атыылаһыы 25,7% , килиэп, бурдук астар уонна курууппа  – 12,3%, үүт уонна үүт бородууктата – 12,0% ылар.