Хаартыска: sakha.gov.ru/news
Хорсун санаа, патриотизм бэлиэтинэн буолбут кыраныыссаны көмүскээччи ини-бии Котельниковтарга аналлаах чинчийэр, архыып-көрдүүр үлэ «Брат на смену брату: традиция продолжается» норуоттар икки ардыларынааҕы күрэһэ саҕаланна. Күрэс онлайн көрүҥүнэн ыытыллар.
Приморскай кыраай култууратын уонна архыып дьыалатын министиэристибэтигэр иһитиннэрбиттэринэн, норуоттар икки ардыларынааҕы күрэс Арассыыйа Бэрэсидьиэнэ Владимир Путин биллэрбит Аҕа дойдуну көмүскээччи уонна Аҕа дойду Улуу сэриитигэр кыайыы 80 сылларыгар ыытыллар. Кыраныыссаны көмүскээччи ини-бии Валентин уонна Петр Котельниковтар холобурдарыгар олоҕуран, устуоруйа-култуура биир кэлим эйгэтин тэрийиигэ туһаайыллар.
“1935 сыллаахха Приморье Пограничнай уокуругун Гродековскай кыраныысса аттынааҕы этэрээтин “Волынка” харабыллыыр пуунугар сулууспалаабыт Валентин Котельников табаарыһын быыһыыр хорсун быһыыны оҥоруутуттан, оттон кини инитэ Петр быраата өлбүтүн истэн баран Оборуона Наркомуттан кинини онно сулууспалыы ыыталларыгар көрдөспүтүттэн ини-биилэр устуоруйалара саҕаламмыта. Бу патриотическай холобур Аҕа дойду Улуу сэриитигэр салҕаммыта уонна күн бүгүн даҕаны анал байыаннай дьайыы усулуобуйатыгар суолталаах, убайын оннугар быраата, уолун оннугар аҕата солбуйа кэлэр” – диэн Бырабыыталыстыба бэрэссэдээтэлин солбуйааччы – Приморскай кыраай култууратын уонна архыып дьыалатыгар миниистирэ Елена Бронникова бэлиэтиир.
Күрэс икки хайысха тиэмэнэн барар: «Ини-бии Котельниковтар үгэстэрин салҕаан» уонна «Анал байыаннай дьайыы». Кыттааччыларга бырайыактыыр үлэни, билим ыстатыйаларын, ааптар эскурсияларын уонна мэтэдиичэскэй оҥоһуктары, эссены, прозаны, поэзияны, аудио испэктээги уонна тыйаатыр туруорууллар сценарийдарын, графическай арамааны, живопиһы, ааптардар ырыаларын, видеонан сюжеты, хаартысканан репортаһы, анимацияны, видео уонна остуол устуоруйаҕа оонньууларын киллэрэн туран хас даҕаны чинчийэр, архивнай-көрдүүр уонна айар номинациялар бэриллэллэр.
Күрэскэ 11-тэн үөһэ саастаах ким баҕалаах босхо кыттар, ону тэҥэ, кэлэктиибинэн, дьиэ кэргэнэн үлэни ыытыахха сөп. Сайаапканы ыам ыйын 27 күнүгэр диэри ылаллар. Түмүгү от ыйын 1-15 күннэригэр таһаарыахтара. Наҕараадалааһын атырдьах ыйын 2-28 күннэригэр буолуоҕа. Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.