Саха сирин суруналыыстара байыаннай кууруска үөрэнэллэр

«Сахамедиа” үлэһиттэрэ билигин Чечня өрөспүүбүлүкэтин Гудермес куоратыгар сылдьаллар.

Ол курдук биэс бастакы суруналыыс “Сахамедиа” генеральнай дириэктэрэ Виктор Колесовы кытта Арассыыйа университетыгар спецназ үөрэҕэр үөрэнэ сылдьаллар. Манна кинилэр бэлэмнээх буолууга ылбыт билиилэрэ бойобуой дьайыыга көмөлөһүөн сөп. Тэрилтэ генеральнай дириэктэрэ Виктор Колесов суруналыыстар байыаннай эпэрээссийэ саҕаланыаҕыттан көхтөөхтүк ылсан үлэлии сылдьалларын бэлиэтээтэ:
—Быстах байыаннай хомуур саҕаланаатын кытта, биһиги суруналыыстарбыт байыаннай чаастарга тиийэн миэстэтиттэн үгүс матырыйааллары бар дьоҥҥо тиэрдибиттэрэ. Билигин байыастарбыт байыаннай балаһыанньа буола турар сиригэр-уотугар тиийдилэр. Онон миэстэтигэр сылдьан сонуннары ыытар хаһан баҕарар сэрэхтээх. Суруналыыстарбыт байыаннай дьайыыларга бэлэмнээх буолууларын ситиһэр туһуттан үөрэтэргэ быһаарыммыппыт.