Саха сирин волонтердара икки тыһыынчаттан тахса сайаапканы көрдүлэр

Ахсынньы 23 күнүгэр Дьокуускайга Саха сирин уопсастыбаннай палаататын сылы түмүктүүр мунньаҕа буолла. Сүбэлиир-мунньахтыыр уорган бэрэссэдээтэлэ Николай Бугаев хомуурга ыҥырыллыбыттар дьиэ кэргэттэригэр көрүллүбүт көмө түмүктэрин туһунан  кэпсээтэ.

«Хомуурга ыҥырыллыбыттар дьиэ кэргэттэригэр тирэх буолар сыалтан #МыВместе диэн волонтерскай ыстаап тэриллибитэ. Ахсынньы 16 күнүнээҕи дааннайынан, манна икки тыһыынчаттан тахса сайаапка көрүлүннэ, 785 ыалы кытта үлэлэһэбит», — диэн бэрэссэдээтэл кэпсээтэ.

Итиэннэ өрөспүүбүлүкэҕэ «Якутия с тобой!» диэн уопсастыбаннай хамсааһын көхтөөхтүк үлэлиир. Хамсааһын хас биирдии оройуоҥҥа ыстааптаах.

Уопсастыбаннай палаата байыаннай сулууспалаахтары наадалаах малынан эбии хааччыйыыга сайаапканы хомуйууга операторынан үлэлиир.