Хаартыска sakha.gov.ru саайтан ылылынна
2024 сыл ыам ыйыгар СӨ Бырабыыталыстыбатын бастайааннай бэрэстэбиитэлистибэтин баазатыгар үлэлиир Саха сиринээҕи ЕКЦ (Единый координационный центр) Суһал өйөбүлү оҥорор сулууспатыгар дьонтон 4352 тус этии киирдэ.
Ыам ыйыгар саамай тирээн турар боппуруостарынан уоппускаҕа баран иһэр байыастарга авиабилиэттэрин ылалларыгар көмөлөһүү, кинилэргэ быстах кэмҥэ тохтуур сирдэрин булуу, ону таһынан бааһырбыт байыастары кытта үлэ буолла. Суһал өйөбүлү оҥорор сулууспа күннэтэ бааһырбыттары кытта сибээстэһэр. Оборуона министиэристэбин мэдиссиинискэй тэрилтэлэригэр эмтэнэ киирэр дьоҥҥо бастаан утаа туттуллар наадалаах малларын хомуйан, илдьэн биэрэргэ көмөлөһөр.
Ыам ыйыгар Суһал өйөбүлү оҥорор сулууспа исписэлиистэрэ байыаннай сулууспалаахтары эбии малларынан хааччыйыыга 32 сайаапканы ыллылар. 11 тус этии төлөбүр уонна харчынан хааччылаҥ, 14 тус этии – байыастар дьиэ кэргэттэригэр көмөлөһүү боппуруостарынан киирбит. Бу тус этиилэр бары этэҥҥэ быһаарыллыбыттара.
2024 сыл ыам ыйыгар Суһал өйөбүлү оҥорор сулууспа исписэлиистэрэ Дьокуускайга баар ЕКЦ ыстаабын кытта бииргэ Москва госпиталларыгар эмтэнэ сытар бааһырбыт дьоҥҥо инбэлииттэр кэлээскэлэрин, ону тэҥэ Бүлүүттэн ыытыллыбыт маскировкаланар сиэккэлэри анал байыаннай дьайыы буола турар сиригэр тиэрдибиттэрэ. Маны таһынан кинилэр Москва уонна Московскай уобалас байыаннай госпиталларыгар куруук сылдьаллар, ыам ыйын 9 күнэ буолаары турдаҕына бааһырбыт биир дойдулаахтарыгар кэһии илдьэн биэрбиттэрэ, өрөспүүбүлүкэттэн кэлэр баһыылкалар ЕКЦ тирэх пууннарыгар уонна мэдиссиинэ тэрилтэлэригэр тиийэллэригэр көмөлөһөллөр.
Саха сиринээҕи ЕКЦ Суһал өйөбүлү оҥорор сулууспата байыаннай сулууспалаахтары уонна кинилэр дьиэ кэргэттэрин долгутар боппуруостары быһаарарга үлэлэһэллэр, бары көмөнү оҥороллор, өйөбүл буолаллар, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…