СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин пресс-сулууспатын хаартыската
Бу күннэргэ Пушкино куоракка Бэрдьигэстээх, Бүлүү, Томтор, Баатаҕай, Ленскэй, Өлүөхүмэ, Дьокуускай уонна Таатта авиационнай отделениеларыттан тоҕус курсаан летчик-наблюдатель идэтигэр үөрэнэ сылдьаллар.
Курсааннар теоретическай чааска билиилэрин хаҥаталлар уонна Ми-8 тренажерга эрчиллэллэр. Кинилэр олунньу бүтүүтэ, кулун тутар саҥата практическай үөрэҕи ааһыахтара.
«Биһиги бу метеорология, салгын навигацията, ойууру баһаартан харыстааһын, радиосибээс уонна да атын үөрэх хайысхаларын бара сылдьабыт. Үөрэхпит этэннэ баран иһэр, тренажерга эрчиллии бүтэрэ чугаһаата, 4-5 көтүү хаалла. Бу нэдиэлэҕэ эксээмэн уонна зачет туттарабыт.
Онтон Владимир диэн куоракка СУ-Р уонна КС-К диэн спусковой тэрилинэн түһэргэ үөрэнэ барыахтаахпыт, ол кэннэ иккитэ парашютунан (ПТЛ-72) ыстаныахтаахпыт. Уопсайга сахалар тоҕус буолан бары бииргэ олоробут», — диэн Дьокуускайдааҕы авиаотделение курсаана Вадим Никонов кэпсээтэ.
Саха сирин курсааннарын кытары Пермскэй уобаластан, Карелияттан, Ямало-Ненецкэйтэн, Камчаткаттан, Хабаровскайтан, Бурятияттан, Томскайтан уонна Казахстантан кытары кэлэн үөрэнэ сылдьаллар.
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин пресс-сулууспата биһиги уолаттарбытынан киэн туттабыт уонна таһаарыылаах үөрэҕи, үрдүк ситиһиини баҕарабыт диэн иһитиннэрэр.
Дуунньукка - бу кини таптал аата. Балтым Евдокия Дьокуускайдааҕы Култуура уонна урамньы кыһатын төрүт култуура…
Бу күннэргэ мессенджеринэн, социальнай ситимнэринэн: “Забайкальеҕа пастереллёз өрө туран, Бурятияҕа ураты бэлэмнээх буолуу эрэсиимин биллэрдилэр”…
Түөкүттэр саҥаттан саҥа албастары толкуйдаан, дьонтон харчыларын суйдуу олороллор. Ол курдук, хара санаалаах дьон эмсэҕэлээччигэ…
Бүгүн, сэтинньи 5 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, Дьокуускай куоракка күн…
Бүгүн, сэтинньи 5 күнүгэр, өрөспүүбүлүкэ баһыйар үгүс өттүгэр хаардыаҕа. Хотугулуу-арҕаа өттүгэр сөҥүү түһэрэ күүтүллүбэт. Муора…
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…