Хаартыска: Дмитрий Садовников телеграм-ханалыттан.
Саха сириттэн сылдьар тоҕус уол Пушкиноҕа баар «Авиалесоохрана» үөрэтэр авиационнай киинигэр «летчик-наблюдатель» диэн идэҕэ үөрэнэ сылдьаллар. Бу — Арассыыйа үрдүнэн маннык идэҕэ үөрэтэр соҕотох киин диэн СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников телеграм-ханаалыгар иһитиннэрэр.
Бүгүн курсааннар салгын суудунатынан көтөн, бэлэмнэнэр үөрэҕи ааһа сылдьаллар. Бу иннинэ теорияны үөрэппиттэрэ.
Уолаттар үөрэхтэрин этэҥҥэ түмүктээн, бу сезонтан үлэлэрин саҕалыахтаахтар. Бастаан уопуттаах настаабынньыктары кытта сылдьыахтара, онтон салгыы бэйэлэрэ көтүөхтэрэ.
«Летчик-наблюдатель» идэтэ аан дойду үрдүнэн биир сэдэх идэнэн буолар. Бүтүн дойду үрдүнэн 400 исписэлиис баар эбит буоллаҕына, Саха сиригэр билигин 33 киһи маннык идэлээх. Быйыл уолаттар үөрэхтэрин түмүктээн кэллэхтэринэ, тоҕус лүөччүгүнэн эбиллэн, 42 исписэлиис баар буолуоҕа.
"Манчаары оонньууларынан" бүгүн "Дьулуруйар Ньургун Боотур" стадиоҥҥа саха дэгит күрэһигэр: төрүт оҕунан ытыыга, сүүрүүгэ, хапсаҕайга…
Саха сирин 18 куоратыгар уонна улууһугар буруйу оҥоруу үрдээһинэ бэлиэтэннэ. 2025 сыл бастакы аҥаарыгар Саха…
Хороҕор муостааҕы, сыспай сиэллээҕи сайын да, кыһын да суолга түҥнэри көтүү тахса турар. Саха сирин…
Таатта улууһун Боробул сэлиэнньэтин 31 саастаах олохтооҕо икки буруйу оҥорбутунан ааҕыллар. Эр киһи Дьохсоҕон нэһилиэгин…
Үс сыллааҕыта байыаннай дьайыы саҕаламмыта, ол кэннэ тута быстах мобилизация буолбута. Хомуур, бэлэмнэниилэр, уот айаҕар…
От ыйын 12 күнэ -- Бөтүрүөп таҥара күнэ. Бу күн иччилэр (абааһылар) мунньахтыыр күннэрэ диэн…