Хаартыска: Валерий Лютай телеграмм-канаалыттан
Бу күннэргэ Саха сириттэн Владимир Путин итэҕэллээх дьоно дойдубут лиидэрин кытта көрсөн, Арассыыйаҕа олоҕу-дьаһаҕы тупсарыыга бэйэлэрин тус этиилэрин киллэрдилэр.
Ол курдук, Москваҕа Көстүүнэй дьиэтигэр дойдубут Аҕа баһылыгын кытта көрсүһүүгэ Сахабыт сириттэн Марина Бахилина, Валерий Лютай уонна Алексей Егоров сырыттылар. Дойдубут үрдүнэн 544 киһи Владимир Путин итэҕэллээх дьонунан буолаллар. Кинилэр ортолоругар биллэр-көстөр дьоннортон Сергей Безруков уонна Никита Михалков уо.да. а. бааллар. Ону сэргэ эрэгийиэннэртэн учууталлар, быраастар, уопсастыбаннай диэйэтэллэр, байыаннай дьайыы кыттыылаахтара биир кэккэнэн тураллар. Кинилэр барыларын сүрүн сыалларынан-соруктарынан таһаарыылаахтык үлэлээн, Арассыыйабыт инникитин түстээһин буолар.
«Инникибитин түстүүрбүт туһугар биһиги бары бииргэ таһаарыылаахтык үлэлиирбитигэр сөптөөх ситим олохтонуоҕа диэн эрэнэбин. Бары биир санаанан салайтаран дойдубут туһугар бары бииргэ буолуохтаахпыт», – диэн Владимир Путин итэҕэллээх дьонун кытта көрсүһүүтүгэр туһаайан этэ.
Биир дойдулаахтарбыт хас даҕаны этиини киллэрдилэр. «Биһиги үрдүк үөрэх кыһаларыгар патриотическай иитиини киллэрэр туһунан эттибит. Маны Владимир Владимирович өйүүрүн биллэрдэ», – диэтэ Марина Бахилина. Итэҕэллээх дьон байыаннай дьайыы кыттыылаахтарыгар уонна кинилэр дьиэ кэргэттэригэр болҕомтолорун уураллар.
«Туох баар үлэ барыта Кыайыы туһугар туһуланар. Бүтүн Арассыыйатааҕы норуот фронун хамаандата байыаннай дьайыы кыттыылаахтарыгар бары өттүнэн сөптөөх көмөнү оҥорорго дьулуһар. Итэҕэллээх киһи буоларым быһыытынан мин бойобуой дьайыы кыттыылаахтарын бэтэрээннэрин дьиэнэн хааччыйыы бырагырааматын толкуйдаан олоххо киллэрэллэригэр этии киллэрдим», – диэн Валерий Лютай туруорсубут.
Саха сириттэн тиийбит Владимир Путин итэҕэллээх дьоно Москва сырыылара уһун. Марина Бахилина, Валерий Лютай уонна Алексей Егоров ыччаты, биир дойдулаахтарбытын уонна, саамай сүрүнэ, байыаннай дьайыыттан кэлбит байыастары кытта көрсүөхтэрэ.
Санатар буоллахха, Арассыыйа Бэрэсидьиэнин быыбара быйыл кулун тутар 15-17 күннэригэр буолуоҕа.
#Владимир Путин.
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…