Өрөспүүбүлүкэ байыаннай хамыһаара Александр Авдонин иһитиннэрбитинэн, Саха сириттэн быстах хомуурга ыҥырыллыбыт дьон билигин бары Илиҥҥи байыаннай уокурукка бэлэмнэниини ааһаллар. Ким да бойобуой дьайыыга кытта илик.
— Бүгүҥҥү күҥҥэ байыаннай чаастары үөрэтии, сулууспалаахтары бойобуой таҥаһынан таҥыннарыы, сэбинэн-сэбиргэлинэн хааччыйыы бара турар. Бу курдук бэлэмнэнии бүппүтүн эрэ кэннэ, байыаннай дьайыы буола турар сиригэр ыытыллыахтара. Сорох чаастар онно тиийбэккэ, Арассыыйа сиригэр-уотугар бөҕөргөтүүгэ уонна саппааска хаалыахтара. Билигин быстах хомуурга ыҥырыллыбыт биир дойдулаахтарбытыттан ким да бойобуой дьайыыга кыттыһа илик. Ыҥырыллыбыт дьон бары Илиҥҥи байыаннай уокурукка бааллар, — диэн кини эттэ.
Байыаннай хамыһаар быстах хомуур боппуруостарын Сүрүннүүр киин үлэтин үчүгэйинэн сыаналаата. Хас биирдии ыйытыыга толору хоруйу биэрэллэрин бэлиэтээтэ.
Балаҕан ыйын 27 күнүттэн өрөспүүбүлүкэҕэ быстах хомуурга аналлаах Сүрүннүүр киин тэриллибитэ. Манна байыаннай юристар үлэлииллэр. Юридическэй сүбэни-аманы 8 (4112) 507-363 төлөпүөҥҥэ эрийэн ылыахха сөп.
Ону тэҥэ, Сүрүннүүр киин иһинэн ыҥырыллыбыт дьон дьиэ кэргэттэригэр психологическай көмө оҥоһуллар. Психологическай көмө төлөпүөнэ: 8 (4112) 31-91-09.
Быстах хомуур боппуруостарынан 122 нүөмэргэ эрийэн, хоруйдары ылыахха сөп.
Саха сиригэр соҕуруулуу-илин, түүн киин улуустарга инчэҕэй хаар уонна ардах түһэрэ күүтүллэр, оттон өрөспүүбүлүкэ атын…
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…