Хаартыска: Саха театра
Ыам ыйын 22 күнүгэр СӨ культураҕа уонна духуобунай сайдыыга министиэристибэтэ халаан уутуттан эмсэҕэлээбит оройуоннар олохтоохторугар көмөлөһөн, олорор дьиэни-уоту, эбийиэктэри чөлүгэр түһэриигэ уонна тустаах көмөнү оҥорууга ыҥырар көрсүһүүнү тэрийэн ыыппыта.
Былатыан Ойуунускай аатынан Саха театрын кэлэктиибэ бу көҕүлээһиҥҥэ көхтөөхтүк кыттан, халаан уутуттан эмсэҕэлээбит Нам улууһун олохтоохторугар анаан көмө үбү-харчыны хомуйан туттарбыта.
Хатырык орто оскуолатын бүтэрбит Саха театрын артыыһа Дмитрий Татаринов ууттан эмсэҕэлээбит сэлиэнньэ олохтоохторугар бастакы наадалаах малынан, аһынан-таҥаһынан көмөлөстө.
Дмитрий Татаринов: “Хатырык нэһилиэгэ мин иккис дойдум, бырааппын кытары оскуоланы манна бүтэрбиппит. Олохтоохтор бэйэлэрин оҕолорун курдук истиҥник саныыллар. Быйылгы халаан уута кэлэн алдьархайы оҥорбутун истээт, бырааппын кытары биир сүбэнэн дьоммутугар-сэргэбитигэр көмө оҥордубут. Хатырык оскуолатыгар үөрэммитим дьылҕабар улахан суолталаах, драмкуруһуокка дьарыктаммытым миэхэ артыыс идэтин таларбар төһүү буолбута. Чуолаан билигин баһаарынай чаас начальнигынан үлэлиир Василий Дьяконов ол саҕана драмкуруһуогу салайара. Хайдахтаах да ыарахан түгэҥҥэ туора турбакка көмөлөсүһэ сырыттахха ”.
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…
СӨ Бырамыысыланнас уонна геология миниистирэ Максим Терещенко 2025 сыл от ыйын 10 күнүгэр, чэппиэргэ, СӨ…
Атырдьах ыйын 1 күнүттэн хас да категориялаах гражданнар биэнсийэлэрэ улаатар, диэн РФ Бырабыыталыстыбатын иһинэн үлэлиир…