Хаартыска: Саха тыйаатырын пресс-сулууспата
Сэтинньи 19-20 күннэригэр Буинскай судаарыстыбаннай дыраама тыйаатырыгар улахан суолталаах гостуруоллар буолуохтара – Б.Ойуунускай аатынан Саха тыйаатыра гостуруоллуу кэллэ. Бу сырыы «РОСКОНЦЕРТ» федеральнай бырайыак “Улахан гостуруоллар” бырагырааматын чэрчитинэн тэрилиннэ. “«РОСКОНЦЕРТ» Арассыыйа сүрүн тыйаатырдарын икки ардыларыгар киэҥ хабааннаах атастаһык турдары тэрийэр.
Санатан эттэххэ, бу икки өрөспүүбүлүкэ икки ардыгар култуураҕа хардарыта сибээс 2025 сыл бэс ыйыттан саҕаламмыта, о.э. Буинскай тыйаатыр Саха сиригэр кэлэн гостуруоллаабыта. Тыйаатыр бэс ыйын 11-12 күннэригэр Былатыан Ойуунускай аатынан Саха тыйаатырын сыанатыгар татаар култууратын дириҥник арыйан көрдөрөр «Небесный тихоход» уонна «Шобага» икки испэктээги көрдөрбүтэ.
Билигин эстэпиэтэни Татарстан тутта. Онон Буинскай куорат олохтоохторо уонна ыалдьыттара Саха Өрөспүүбүлүкэтин биир сүрүн тыйаатырын айар үлэтин кытта билсэр кыахтаннылар.
Буинскай тыйаатыр кэлэктиибэ Саха тыйаатырын труппатын истиҥник көрүстэ. Көрсүһүүгэ ыалдьыттары туустаах килиэбинэн, татаар омук бүлүүдэлэринэн, ырыаларынан уонна тэтимнээх үҥкүүлэринэн көрүстүлэр.
Сэтинньи 19 күнүгэр М.Булгаков “Маастар уонна Маргарита” арамаанын биллиилээх режиссер, СӨ ускуустубатын үтүөлээх диэйэтэлэ Сергей Потапов интерпретациятыгар көрдөрүөхтэрэ.
Сэтинньи 20 күнүгэр көрөөччүлэри Василий Яковлев-Далан “Глухой Вилюй” арамаанынан тыйаатыр сүрүн режиссера, Саха сирин ускуустубатын үтүөлээх диэйэтэлэ Руслан Тараховскай туруоруутугар “Тулаайах оҕо” испэктээк күүтэр.
“Улахан гостуруоллар” бырагырааманан атастаһык гостуруоллар Арассыыйа эрэгийиэннэрин икки ардыларыгар култуураҕа сибээс бөҕөргүүрүгэр дьоһун суолталаах хардыынан буолаллар.
Саха тыйаатырын пресс-сулууспата
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…