Саха тыйаатыра В.С.Яковлев-Далан “Тулаайах оҕо” арамаанынан испэктээк туруораары сылдьар. Бырайыак үлэҕэ саҥа ылыллыбыт, соторутааҕыта оруоллар түҥэтиллибиттэр. Режиссерунан Руслан Тараховскай анаммыт.
Артыыстар Далан хоһуйбут кэмнэрин ымпыгын-чымпыгын үөрэтэ сылдьаллар. Бу үлэҕэ сүбэһит быһыытынан тыйаатыр салалтата устуоруйанан дьарыктанар учуонайдары ыҥырбыттар. Тохсунньу 31 күнүгэр айар кэлэктиип иннигэр историческай билим доктора Андриан Борисов лиэксийэ аахта.
Бастатан туран, учуонай Василий Яковлев-Далан айымньытыгар наука чахчыларын уонна суруйааччы сабаҕалааһынын хайдах холбообутун, ханнык чааһыгар дакаастаммыт чахчыларга олоҕурбутун, ханнык чааһыгар айар санаа иэйиитигэр олоҕурбутун ырытта.
Лиэксийэҕэ Дыгын кэминээҕи сурукка киирбит дьоруойдар, ол кэминээҕи олох-дьаһах уратылара, сахалар төһө иэннээх сиринэн тарҕанан олорбуттара кэпсэннэ. Андриан Афанасьевич сүрүн билиһиннэрэр чааһын түмүктээбитин кэнниттэн артыыстар элбэх ыйытыыны биэрдилэр. Онон ырытыы икки чаастан ордук буолла.
Маннык олохтоохтук бэлэмнэнииттэн саҕаламмыт испэктээк көрөөччүнү итэҕэтэр, умсугутар, сонун туруоруу буолуо диэн эрэнэн туран, хаһан сыанаҕа турарын күүтэбит.
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…