Саха ыалын сиэрэ-туома. Эдэр киһи тыаҕа бултуу тахсарыгар

Эдэр киһи тыаҕа бултуу тахсарыгар маннык бобуулары тутуһуохтаах:

• өлбүттээххэ сылдьыбыт буоллаҕына, бултуурун 40  хонукка тохтотуохтаах;
• бултуу сылдьан өрүсүһүү, атын киһиэхэ туһаайыллыбыт булду ылар сатаммат, ылар түгэҥҥэ киһи булда ханнан, көтөр-сүүрэр-тоһуйбат, куота сылдьар буолар;
• бултаан киирэн баран чугас дьонугар хайаан да бэрсиэхтээх, тоҕо диэтэххэ бэринньэҥ  булчукка тыа иччитэ Баай Байанай булду тэбэр;
• атын булчут сэбигэр-сэбиргэлигэр (туһаҕар, сохсотугар, туутугар, илимигэр, саатыгар) киирбит булду көҥүлэ суох тыыппаккын;
• улахан булка (эһэҕэ, тайахха, табаҕа) сылдьар булчут кыра булду куобаҕы, мас  көтөрүн, о.д.а. көрдөҕүнэ, бултаспат, көннөрү аһыырыгар эрэ бултаан ылыан сөп.

А.С.Федоров «Саха ыалын сиэрэ-туома» кинигэтиттэн.

(«Айар» кинигэ кыһата, 2023 с.)