“Сахаагроплем” тэрилтэ азот-кислород ыстаансыйата саҥардыллан аһылынна

Share

Сэтинньи 1 уонна 2 күннэригэр Дьокуускайга Уһук Илин федеральнай уокуругар племенной сүөһүнү иитиини тирэхтээхтик сайыннарыыга анаммыт сүбэ мунньах “Сахаагроплем” тэрилтэ базатыгар ыытыллар.

Сүбэ мунньахха “Генофонд СХЖ” (Москва к.), Сүөһү иитиитин федеральнай чинчийэр киинэ» (Подольскай к.), “Племпредприятие Приморское” (Владивосток),  “Забайкальетааҕы сүөһү иитиитин племенной киинэ” (Чита к.), “М.Г.Сафронов аатынан Саха сиринээҕи НЧИ” уо.д.а кытталлара күүтүллүбүтэ.

Ол чэрчитинэн бүгүн өрөспүүбүлүкэ Тыатын хаһаайыстыбатын уонна аска-үөлгэ министиэристибэтин “Сахаагроплем” тэрилтэтигэр дьоро күн буолла. Ол курдук, өрөспүүбүлүкэ Ил Дарханын Айсен Николаев быһаччы сорудаҕынан азоту-кислороду оҥорор ыстаансыйаны саҥардан оҥоруу хапытаалынай өрөмүөн түмүгэр тиһэҕэр тиэрдилиннэ. Онон тыа хаһаайыстыбата уонна мэдиссиинэ, тырааныспар ыкса сибээстээхтик үлэлииллэригэр кыах уурулунна. Ааспыт хамсык кэмигэр Саха сиригэр бэйэтигэр мэдиссиинэ кислородун оҥорон таһаарыыны тэрийэр уонна хааччыйар кытаанах сорук турбута.   Онон “Сахаагроплем” тэрилтэҕэ бэйэтин базатыгар баар азот-кислород оҥорор ыстаансыйата оҥорон таһаарыыны лицензиялатарыгар кэккэ докумуоннары ыыталларыгар сорудахтаммыта.

“Промбез” эспиэртиир тэрилтэ тэхиньиичэскэй чинчийиини ыыппытын түмүгэр хапытаалынай өрөмүөн ирдэнэрэ быһаарыллыбыта. Ол иһин “Сахаагроплем” салалтата (сал. А.Д.Жирков) бэрт түргэнник бу азот-кислород ыстаансыйатын тэхиньиичэскэй өттүнэн саҥардыыга туруммута. Ити оҥорон таһаарыы кыамтатын үрдэтиэхтээх уонна хаачыстыбатын тупсарыахтаах этэ. Онон Екатеринбург куорат “Диоксид” ХЭТ салгыны араарар ыстаансыйатын биһирээбиттэрэ уонна бу тэрилтэ  бэйэтэ аҕалан таҥмыта. Ол түмүгэр ыстаансыйа тиэргэнигэр чугаһаатахха бэрт ыраахтан маҥан кырааскалаах 20-лии туонналаах емкостар тураллара харахха быраҕыллар. Кислороду мэдиссиинэҕэ, гаастыҥы азоту аэропуортарга, убаҕас азоту сүөһүнү буоһатыыга туһаныллара биллэр. Онон хайысхата киэҥ, туһата улахан.

Онон бүгүн ”Сахаагроплем” тэрилтэ Марха түөлбэтигэр баар саҥардыллыбыт ыстаансыйатын үөрүүлээх быһыыга арыйдылар уонна арчылаатылар. Бу бэлиэ түгэнинэн ыалдьыттары өрөспүүбүлүкэ тыатын хаһаайыстыбатын уонна аска-үөлгэ миниистирэ Артем Александров истиҥник эҕэрдэлээтэ уонна саҥардыллыбыт ыстаансыйа дириҥ суолтатын таарыйда. Тэрилтэ салайааччыта Алексей Жирков эмиэ бэйэтин эҕэрдэтин тиэрдэн туран, ыстаансыйа исписэлиистэринэн толору хааччыллыбытын бэлиэтээтэ. Ол курдук, ыстаансыйа үлэһиттэрин сэргэ лаборатория 2 үлэһиттээх. Онон толору үлэлиир-хамсыыр кыах баара кэрэхсэбиллээх

.

Хаартыскаҕа: ыстаансыйаны үөрүүлээхтик арыйыы кэмигэр.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

7 часов ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

8 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

8 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

9 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

9 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

10 часов ago