«Сахафильм» Култуура сылыгар 10 киинэни таһаарыаҕа

Саха сиригэр Култуура сылыгар «Сахафильм» судаарыстыбаннай национальнай хампаанньа өйөбүлүнэн улахан экрааҥҥа тоҕус уус-уран уонна биир документальнай киинэ тахсыаҕа диэн sakha.gov.ru иһитиннэрэр.

«Сахафильм» дааннайдарынан, кыраапык маннык:

• олунньу 5 күнүгэр – «Күүлэй»;
• кулун тутарга — «Олох түгэннэрэ»;
• муус устарга — «Тойон Баай көмүһэ»; «На краю света»;
• бэс ыйын 4 күнүгэр — «Сиэр»;
• балаҕан ыйын 17 күнүнэр — «Айан да Айан»;
• алтынньыга — «Саҥа Боотур»;
• сэтинньигэ — «Хаар кынат» уонна «Бүгүн-Былыр-3»; «Мой сын» — документальнай.

2026 сыл улахан тэрээһиннэрин былааныгар норуоттар икки ардыларынааҕы киинэ бэстибээлэ, «Чыпчаал» бириэмийэ уонна «Республика Кино» тэттик кээмэйдээх киинэлэр бэстибээллэрэ баар.

Дойду бэрэсидьиэнэ Владимир Путин сорудаҕынан быйылгыттан Дьокуускайга тутуллуохтаах киинэ павильонун бырайыактыыр-симиэтэлиир докумуоннарын бэлэмнээһин саҕаланар.