“Хоту-Тент” хампаанньа тепловизорга көстүбэт, снайпердарга аналлаах көстүүмнэри, балааккалары, байыаннай тиэхиникэ сабыыларын оҥорууну саҕалаатылар. Билигин оҥорон таһаарыы кээмэйин кэҥэтэр былааннаахтар диэн СИА иһитиннэрэр.
— Биһиги матырыйаалбытынан снайпер көстүүмнэрин уонна балааккалары оҥордубут. Билигин снайпердарга аналлаах кэтиир пууннары уонна тааҥкалар сабыыларын оҥорон тарҕатарга кэпсэтиини ыыта сылдьабыт. Ону тэҥэ, аармыйаҕа анаан кыра, көһөрөргө табыгастаах оһоҕу оҥорор былааннаахпыт. Сакаас бөҕөтө киирэр, онон кэҥээн иһэбит. Нэдиэлэҕэ тыһыынча кэриҥэ оҥоһугу оҥорон таһаарар буолуохпут, — диэн “Хоту-тент” хампаанньа байыаннай хайысхатын салайааччы Дуолан Андреев кэпсээтэ.
Бу иннинэ хампаанньа массыыналарга аналлаах, тымныыттан харыстыыр сабыылары, балааккалары оҥорор этэ. Билигин маны таһынан, байыаннай тиэхиникэҕэ сабыылары оҥорор буолла. Кинилэр матырыйааллара сылааһы, тымныыны аһардыбат буоланнар, тепловизорга көстүбэттэр эбит. Дьэ, бу билиҥҥи балаһыанньаҕа саамай наадалаах таҥас буолла.
«Армия-2022» норуоттар икки ардыларынааҕы байыаннай-техническэй пуорумҥа “Хоту-Тент” уонна “Эра” байыаннай инновационнай технолополис бииргэ үлэлэһэргэ сөбүлэһии түһэристилэр. “Якутия” технопаарка резиденэ оҥорбут сылааһы-тымныыны аһардыбат нанокомпозитнай матырыйаала байыаннай тиэхиникэни, байыастар олохторун харыстыырга туһалыаҕа, кыайыыны уһансарга бэйэтин кылаатын киллэриэҕэ.
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…