Хаартыска: Денис Попов.
“Барҕарыы” национальнай пуонда уонна “Саха” НКИХ “Чохоон” ютуб-ханаала кыттыһан оскуола иннинээҕи саастаах оҕолорго аналлаах «Сахалыы саҥарар, ыллыыр сыыппаралар уонна алпаабыт» интерактивнай былакааты таһаарбыттар. Бу туһунан бүгүн ыытыллыбыт “Төрөөбүт тыл – норуот баайа” пресс-кэмпириэнсийэҕэ билиһиннэрдилэр.
“Барҕарыы” пуонда салайааччытын сүбэһитэ Альбина Поисеева: “Маҕаһыыннарга сахалыы алпаабыт көрдөөн баран булбакка, бэйэбит оҥоруохха диэн түмүккэ кэлбиппит. Ырыатын-тойугун, ойуутун-бичигин толкуйдааһыҥҥа “Чохоон” ханаал үлэлэстэ, бүгүн киэҥ араҥаҕа билиһиннэрэ аҕаллыбыт”, — диэн иһитиннэрдэ.
Электроннай былакаат 3000 ахсаанынан тахсыбыт. Көннөрү сахалыы саҥарар дорҕооннордоох эрэ буолбатах, ону таһынан, дьуптуоннардаах, сыыппаралардаах, эбиилээх, көҕүрэтиилээх, өссө сорудахтардаах. Быһатын эттэххэ, маҕаһыыҥҥа атыыланар кэлии алпаабыттары хас да төгүл куоһарбыттар, араас өртүнэн тупсарбыттар. Аны чаҕылхай дьүһүннээх буолан оҕо болҕомтотун тардыыһы.
Тэрээһиҥҥэ кэлбит куорат уһуйаанын үлэһиттэрэ былакааты биһирии көрдүлэр. Салгыы дьааһыла (1-2 саастаах) оҕолоругар аналлаах ити былаакаакка ханыылыы электроннай былакааты оҥороргут буоллар диэн санааларын эттилэр.
“Барҕарыы” пуонда генеральнай дириэктэрэ Афанасий Постников: “Электроннай былакаат билиҥҥитэ бэрэбиэркэлээн көрүү быһыытынан 3 тыһ. ахсаанынан таҕыста. Салгыы өссө сайыннарыахпыт, тупсарыахпыт уонна иккиһин сакаастыахпыт. Маннык былакаат хас биирдии сахалыы саҥалаах ыалга баар буолуон баҕарабыт”, — диэн бэлиэтээтэ. Буруолуу сылдьар сахалыы былакаат сорҕотун Дьокуускай куорат үөрэҕин управлениетыгар, “Күөрэгэй” түмсүү ыытар тэрээһинигэр бэлэх быһыытынан уунабыт, сороҕун атыыга таһаарыахпыт диэн иһитиннэрдэ. Ол эрээри, бүгүҥҥүтэ сыаната ааҕылла, чопчу биллэ илик эбит.
Пресс-кэмпириэнсийэҕэ “Барҕарыы” пуонда уонна «Саха» НКИХ «Чохоон» оҕо ханаала Үлэ сылыгар анаан тэрийэн ыыппыт «Үлэ — олох тутула», «Кочевье глазами детей» төрөөбүт тылынан видеоролик оҥоруу куонкуруһун түмүгүн таһаардылар.
“Хоту, Арктика улуустарыгар интэриниэт киирэн, куонкуруска бу улуустартан элбэх оҕо кытынна. Оннооҕор сорох видеонан роликтары туох даҕаны көннөрүүтэ суох эпииргэ туруоруохха сөптөөх үлэлэр бааллар. Онтон олус үөрдүбүт. Бастакы күрэххэ, уопсайа, 36 киирдэ”, — диэн Дарья Ермолаева этэр.
Дьүүллүүр сүбэ мөккүөрдээх, хайа эрэ түгэҥҥэ бэйэлэрин икки ардыларыгар куоластааһыннаах быһаарыытын кэнниттэн, кыайыылааҕынан Мэҥэ Хаҥалас улууһун В.П. Ларионов аатынан Майа орто оскуолата (кыра бөлөххө), Бүлүү улууһун Баппаҕаайы орто оскуолата (орто бөлөххө), Сунтаар гимназията (улахан бөлөххө) тахсыбыттар.
Иккис «Кочевье глазами детей» күрэххэ барыта 17 үлэ киирбит. Манна оҕолор саха, эбэҥки, эбээн, дулган, дьүкээгир тылынан кыттыбыттар. Өлөөн улууһун Харыйалаах оскуолата (кыраларга), Эбээн Бытантай улууһун Кустуур оскуолата (ортолорго), Муома улууһун Улахан Чыыстайыттан Сардаана Петрова (улахаттарга) бастаабыттар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…