Хаартыска: "Саханефтегазсбыт" пресс-сулууспата
2023 сыл алтынньы 11 күнүттэн саҕалаан, «Саханефтегазсбыт» АУо ньиэп бородууктатын бары көрүҥнэрин кууһунан уонна биирдиилээн атыыга сыанатын муҥутуур кыра кээмэйинэн – 10 %-нынан үрдэттэ.
Бу туһунан тустаах тэрилтэ генеральнай дириэктэрин экэниэмикэҕэ уонна үпкэ солбуйааччыта Артем Ничипоренко иһитиннэрэр. 2023 сылга уу суолунан ньиэп бородууктатын тиэрдиигэ анаан атыылаһыы барыллаан түмүктэрэ таһаарылынна. Ол, биллэн турар, сыана үрдүүрүгэр дьайыылаах буолла.
«Биһиги хоту таһаҕаһы тиэйии бэрт кылгас кэмҥэ ыытылларын быһыытынан, олох эрдэттэн, ньиэп бородууктатыгар сыана дойду үрдүнэн өссө бэрээдэктэнэ илигинэ – Санкт-Петербурдааҕы норуоттар икки ардыларынааҕы табаар-сырье биржатыгар улахан кууһунан атыыланар сыана баһырхайдык үүнэ-үрдүү турар кэмигэр атыыласпыппыт”, — диэн кини быһааран биэрдэ.
Артем Ничипоренко бэлиэтээбитинэн, билиҥҥи туругунан, «Саханефтегазсбыт» судаарыстыба бүддьүөтүттэн субсидияламмат, ночооту сабынар атын хайысхалара суох.
«Биһиги тэрилтэбит бигэ туругун мөлтөтөн, тохтоло суох үрдээбит сыананы тутар кыахпыт суох, килийиэннэрбит иннигэр эбэһээтэлистибэбитин умнар табыллыбат. «Саханефтегазсбыт» өрөспүүбүлүкэҕэ ньиэп бородууктатын аҕалыыны мэктиэлиир суос-соҕотох тэрилтэ буолар. Үлэбит туруга төһө бигэ тирэхтээх буоларыттан бүттүүн нэһилиэнньэ олоҕо-дьаһаҕа, чуолаан Арктика оройуоннарын олохтоохторун киэнэ, быһаччы тутулуктаах», — диэн, эбэн эттэ.
Артем Ничипоренко бастайааннай килийиэннэригэр чуо «Саханефтегазсбыт» уматыгын талан кутталарын иһин махтанна уонна төһө да кыһалҕаттан сыананы үрдэтэргэ күһэллибиттэрин иһин, килийиэннэрин хаачыстыбалаах уматыгынан салгыы хааччыйыахпыт уонна оҥорор өҥөлөрбүтүн тупсарыахпыт диэн эрэннэрбитин туһунан «Саханефтегазсбыт» АУо пресс-сэкирэтээрэ Яна Байгожаева иһитиннэрэр.
Бу күн киһи ис санаатын дириҥник өйдүүрүн уонна дьиэ кэргэнин кытта сыһыаны бөҕөргөтөрүн туһугар ананар.…
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…