«Саханефтегазсбыт» бэнсиин сыанатын ыаратта

Алтынньы 11 күнүттэн «Саханефтегазсбыт» хампаанньа сапыраапкаларыгар бэнсиин сыанатын ыаратта. Бу туһунан СИА суруйар.

Дьокуускайга Аи-92 биэс солкуобайынан үрдээн, 65,50 солкуобайга тэҥнэстэ. Оттон Аи-95 тарыыба 6 солкуобайынан үрдээтэ — 68,50 солкуобай буолла.

Аи-98 лиитирэтин иһин 73,6 солкуобайы төлүүр буолабыт, эмиэ 6 солкуобайынан ыараата. Оттон дизтопливо эрдэ 77,2 солкоубай эбит буоллаҕына, билигин 81,2 солкуобай буолла.

«Туймаада-Нефть» сапыраапкаларыгар сыана уларыйа илик.