Сайаан: «Эр санаа»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 83-с кыттааччыта Дьокуускайтан Сайаан:

Эр санаа

Былыт, ардах да хаайдаҕына,
Олох буурҕата утары астаҕына,
Самныбакка утары хардыылаа
Туруулас өрүү, туран хаалбакка

Тимир уокка уһаарылларыныы
Батыйаны уус таптайарыныы,
Харгыстарга уһаарыллар майгы
Киэҥ көҕүс, холку, эрдии быһыы

Сүрэххэ баар төлөнү сүтэрбэккэ
Мөлтөөн, сыппаан биэрбэккэ,
Кэскилин иннигэр өрүү инники
Олохтон көнөтүн өрүү кэрэхсии

Бу сиргэ кэрэни үтүөнү көрөргө
Күннэтэ үөрэн күнтэн үөрэргэ,
Хайдах да кэмнэргэ, күннэргэ —
Баар буоллун көхсүгэр өрөгөй!