Салгын сыттыктаах суудунанан айан төлөбүрүн туһунан

Дьокуускай — Аллараа Бэстээх хайысханан сылдьар салгын сыттыктаах суудуна айанын төлөбүрэ 3 тыһ.солк. буолбут.

204-с биэрэгэр эбэни туораары үгүс киһи мустубут. Күүстээх тыалы, тымныыны аахсыбакка таһырдьа уочараттаан турааччы үгүс.

Бэлиэтээн суруйдахха, аҕыйах хонуктааҕыта нөҥүө кытылга туорааһын  5 тыһ. солк. этэ.

Марьяна Николаевна:

— Аллараа Бэстээхтэн тимир суолунан барааччылар трансфер өҥөтүн туһанныбыт. Трансферынан сыттык суудуна сыаната кэлэ-бара 4600 этэ. Тыаллаах күн дьон саһан олороругар хахха сир суоҕа куһаҕан. Маннык былдьаһыктаах күннэргэ улахан наадалаах эрэ киһи айанныыр.