Саҥа дьылга хас күн өрүүбүт?

РФ Үлэҕэ, социальнай сайдыыга министиэристибэтэ 2024 сыллаах өрөбүл күннэри көһөрүү туһунан уураах бырайыагын таһаарда. Онон, эһиил хас күн өрүүбүтүй?

Бу докумуон чэрчитинэн, Саҥа дьыллааҕы өрөбүллэр тохсунньу 1-8 күннэрэ өрөбүлүнэн биллэриллэллэр. Үлэһиттэр номнуо ахсынньы 30 күнүттэн өрөөн, барыта 10 күн сынньаналлар.

Аҕа дойдуну көмүскээччи бырааһынньыгар олунньу 23-25 күннэригэр, Дьахтар күнүгэр – кулун тутар 8-10 күннэригэр сынньанабыт.

Ыам ыйын бырааһынньыктарыгар түөртүү күн өрүүбүт – муус устар 28 күнүттэн ыам ыйын 1 күнүгэр уонна ыам ыйын 9-12 күннэригэр. Салгыы Арассыыйа күнүгэр – бэс ыйын 12 күнүгэр уонна Сомоҕолоһуу бырааһынньыгар – сэтинньи 3-4 күннэригэр өрөбүл күннэр биллэриллэллэр диэн СИА суруйар.