Андрей Сорокин хаартыскаҕа түһэриитэ, ЯСИА
Бүгүн, ахсынньы 15 күнүгэр, СӨ Бырабыыталыстыбатын уонна Дьаһалтатын салайааччыларын кытары ыытыллыбыт пленарнай мунньахха Саҥа дьыл бырааһынньыктарын кэмигэр бары сулууспалар үлэлэрин күүһүрдэллэригэр Ил Дархан Айсен Николаев болҕомтотун уурда.
Халлаан тымныйбытынан сибээстээн, хомунаалынай сулууспалар үрдүк бэлэмнээх буолалларын бэлиэтээтэ. Саахалы туоратар биригээдэлэр наадалаах матырыйаалынан хааччыллалларыгар, дьуһуурустубалар кыраапыктарын эрдэттэн бэлэмнииллэригэр соруйда.
Ааспыт нэдиэлэҕэ эрэгийиэн сиригэр-уотугар 31 баһаар бэлиэтэммит, ол иһигэр Хаҥалас улууһугар Өктөмҥө биэс киһи суорума суолламмыт баһаара. Ил Дархан маассабай тэрээһиннэри ыытыыга уонна суолга-иискэ, чуолаан Ил Дархан харыйатыгар кэлэр оҕолорго куттал суох буолуутун хааччыйыы бопапуруоһугар тохтоото. Кини кыһыҥҥы суол-иис, сүөһүнү, сылгыны кыстатыы, ОРВИ-нан уонна кириибинэн ыалдьыы туһунан иһитиннэриилэри иһиттэ. Ахсынньы 19 күнүгэр буолуохтаах РФ Бэрэсидьиэнэ В.Путин «Быһа лииньийэтигэр» гражданнар этиилэригэр суһал үлэни хааччыйалларыгар сорудахтаата.
РФ Бэрэсидьиэнэ быһа эпииргэ ааһан эрэр сыл түмүктэрин таһаарыаҕа, ону тэҥэ суруналыыстар уонна көрөөччүлэр ыйытыыларыгар хоруйдуоҕа.
Сиһилии: https://www.sakha.gov.ru/news/17172
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, ЯСИА
Ил Дархан Айсен Николаев "Быһа биэриигэ" чугастааҕы күннэргэ Дьокуускайга "Спортивнай" түөлбэҕэ элбэх хайысхалаах успуорт комплекса…
2025 сыл ахсынньы 13 күнүгэр 13 чаас 30 мүнүүтэ ааһыыта Арассыыйа ИДьМ Мэҥэ Хаҥалас улууһунааҕы…
Өрөспүүбүлүкэтээҕи Ийэ хапытаалын дьайыытын кэҥэтэр туһунан былырыын Айсен Николаев Ил Түмэҥҥэ туһаайбыт Анал этиитигэр, кылгас…
Москваҕа байыаннай дьайыы бэтэрээннэрин "Вместе победим" Бүтүн Арассыыйатааҕы пуорума түмүктэннэ. Саха сириттэн онно байыаннай дьайыы…
Ахсынньы 23 күнүгэр олохтоох бириэмэнэн 12.00 ч. СӨ Ил Дархана Айсен Николаев сыл аайы ыытыллар…
Арассыыйа ИДьМ "Дьокуускайдааҕы" 3 №-дээх полициятын отделыгар дьахтар тиийэн, балыыһаҕа эмтэнэ сытар кииринньэҥ аҕатын "Toyota…