Саҥа дьыллааҕы уонна Ороһуоспатааҕы бырааһынньыктарга бэрээдэги көрүү күүһүрүө

Бүгүн, ахсынньы 25 күнүгэр, СӨ Ил Дархан Айсен Николаевка быраабы араҥаччылыыр органнар уонна да атын салаалар кыттыылаах координационнай сүбэ мунньах буолла.

Сүрүн тиэмэнэн Саҥа дьыл уонна Ороһуоспа бырааһынньыктарын саҕана үлэни тэрийии туһунан буолла.

СӨ Ил Дархана бары структуралар дьоһуннаах үлэлэрин бэлиэтээтэ. Сүрүн соругунан уопсастыбаннай миэстэлэргэ ботурууллааһыны күүһүрдүү, маассабай тэрээһиннэргэ куттал суох буолуутун хааччыйыы, сокуону кэһиини уонна ыксаллаах быһыыны-майгыны сэрэтии туруорулунна.

«Саҥа дьыл уонна Ороһуоспа бырааһынньыктарыгар бары сулууспалар уонна былаас органнарын сыралаах былааннаммыт үлэлэрэ гражданнарга куттал суох буолуутун уонна табыгастаах буолуутун хааччыйыа«, — диэн бэлиэтиир Айсен Николаев.

Сүбэ мунньахха ИДьМ уонна Росгвардия бэрэстэбиитэллэрэ куттал суох буолуутун хааччыйар миэрэлэр ылыллыахтаахтарын туһунан кэпсээтилэр. Маны таһынан, уопсастыбаннаһы кытары хардарыта сибээстээх үлэҕэ болҕомто уурулунна. Бырааһынньыкка бэлэмнэнии иитинэн өйдөтөр-сүбэлиир тэрээһиннэр ыытыллаллар.

Бу күн суһал сулууспалар, мэдиссиинэ тэрилтэлэрин үлэлэрин тэрийии боппуруостарын көрдүлэр, ыксаллаах быһыыга-майгыга эрдэттэн төһө бэлэмнээхтэрин бырааһынньык күннэригэр тиһиктээхтик бэрэбиэркэлиэхтэрэ.

СӨ Ил Дарханын уонна Бырабыыталыстыбатын пресс-сулууспата

Андрей Сорокин хаартыскаларга түһэриитэ, СИА