Саҥа дьылы көрсө тугу быраҕабыт?

Саҥа дьылы көрсө үгүс дьон дьиэ-уот хомунар, эргэ малы-салы быраҕар. Бу үлэ саҕаланыан да инниттэн хаһаайкалар саныы-саныы сүрэхтэригэр астарыахтарын сөп.

Судургу сүбэ. Саамай кыраттан саҕалаа. Биир күн иһигэр бүтүн дьиэни хомунар кыаллыбат. Онон бастаан иһити-хомуоһу сааһылаа, эргэни, алдьаммыты бырах. Ыксаабакка. холкутук, үөрэ-көтө хамсанар наада.

Иккиһинэн, «эмоциональнай детокс» оҥоруоххун сөп. Мал-сал хомуйар кэмҥэ эйигин туох санаа баттыырыттан босхолонор курдук саныы-саныы оҥордоххуна, барыта судургутук табыллар. Бөҕү-саҕы быраҕаары биир сиргэ чөмөхтөөн баран уһуннук сытыарыма. Тута суулаан, таһааран бөххө кутар туһалаах. Бу тахсаргар таарыччы салгын сиигин, онтон настарыанньаҥ көтөҕүллэр.

Дьэ, бөххү-саххын харайдыҥ, дьиэҕин-уоккун хомуйбут буоллаххына, үүттээх чэй, итии кофе иһиэххин сөп. Тугу барытын настарыанньа оҥорор. Саҥа дьыл иннинэ бөҕү эрэ буолбакка, куһаҕан санаа баттыгын, кыһалҕаны быраҕабыт.