Саҥа дьылга хас күн өрүүбүт?

Номнуо Саҥа сыл тыына биллэн эрэр, маҕаһыыннарга табаар дэлэйбит. Быйыл Саҥа сыл бырааһынньыгар 10 күн өрүөхпүт.

Дойду Үлэҕэ министиэристибэтэ быһаарарынан, сорох бырааһынньык күннэр субуотаҕа уонна өрөбүлгэ түбэһэллэрин быһыытынан, атын күннэргэ көһөн биэрэллэр. Онон маннык өрүүбүт:

— Тохсунньу 1-8 күннэрэ — Саҥа дьыл өрөбүллэрэ (2023 сыл ахсынньы 30 күнүттэн саҕалаан барыта 10 күн сынньанабыт),

— Олунньу 23 күнэ – Аҕа дойдуну көмүскээччилэр күннэрэ (олунньу 23-25 күннэригэр өрүүбүт),

— Кулун тутар 8 күнэ – Дьахталлар аан дойдутааҕы күннэрэ (кулун тутар 8-10 күннэригэр өрүүбүт),

— Ыам ыйын 1 күнэ – Эйэ, үлэ бырааһынньыга (муус устар 28 – ыам ыйын 1 күннэригэр өрүүбүт),

— Ыам ыйын 9 күнэ – Кыайыы күнэ (ыам ыйын 9-12 күннэригэр өрүүбүт),

— Бэс ыйын 12 күнэ – Арассыыйа күнэ,

— Сэтинньи 4 күнэ – Норуот сомоҕолоһуутун күнэ (сэтинньи 3-4 күннэригэр өрүүбүт),

— Саҥа сыл бырааһынньыгар ахсынньы 29-31 күннэригэр өрүүбүт диэн суруйаллар. 2025 сыллааҕы  билиҥҥитэ бигэргэнэ илик, онон Саҥа сыл бырааһынньыгын тохсунньутааҕы өрөбүллэрэ киирбэтэхтэр.