СИА хаартыската
Өрөспүүбүлүкэтээҕи катастрофа мэдиссиинэтэ (РЦМК) сыл саҕаланыаҕыттан барыта 1243 санитарнай-авиационнай сорудаҕы толорбут.
Ол иһигэр, бөртөлүөт 832 көппүт, 34 сиринэн айан буолбут. Ол түмүгэр уопсайа 1 824 киһиэхэ көмө оҥоһуллубут, итинтэн 289 оҕо.
Ил Дархан Айсен Николаев Саха сирин уратытын, сылы эргиччи сиринэн айан суоҕун, аҕыйахтыы киһилээх нэһилиэнньэлээх пууннар уустук суоллаах-иистээх сиргэ олороллорун учуоттаан дьоҕус авиацияҕа наадыйыы баарын бэлиэтээбитэ. Бэрэсидьиэн сорудаҕынан Саха сирин санитарнай авиациянан хааччыйыыга улахан болҕомто ууруллар, уустук уонна аҕыйах сырыылаах улуустарга ситим тупсарылынна диэн бэлиэтиир Айсен Николаев.
— Санитарнай авиация бүгүн мэдиссиинэҕэ саамай наадалааҕынан буолар. Ыарыһахтарга, эчэйбиттэргэ суһал мэдиссиинэ көмөтө оҥоһуллар. Катастрофа мэдиссиинэтин өрөспүүбүлүкэтээҕи киинэ күн ахсын Саха сирин улуустарын олохтоохторугар көмөлөһөр. Ордук сүрэх-тымыр ыарыылаахтар, эчэйбиттэр, итиигэ буспуттар, тоҥмуттар, ону сэргэ оҕолонор ийэлэр, уо.д.а. суһал көмөҕө ордук наадыйаллара элбэх, — диэн катастрофва мэдиссиинэтин киинигэр кэпсииллэр.
Санатан эттэххэ, мэдиссиинэ суһал көмөтө уонна суһал эвакуациялааһын санитарнай авиациянан оҥоһуллар. Бу Дьокуускайга уонна сэттэ сиргэ филиаллаах: Орто Халымаҕа, Баатаҕайга, Ньурбаҕа, Мииринэйгэ, Тиксиигэ, Нерюнгригэ, Ленскэйгэ. Санитарнай авиация суһал көмөнү оҥорорго мэдиссиинэ аныгы тэрилинэн хааччыллыбыт 5 самолеттаах уонна 17 бөртөлүөттээх.
2023 сылга санитарнай авиациянан 340 көтүү былааннаммыт, сыл бүтүүтүгэр 374 санитарнай рейс оҥоһуллубут. 707 киһи балыыһаҕа аҕалыллыбыт.
Саха сиригэр санитарнай авиация РФ Бэрэсидьиэнэ В.Путин көҕүлээһининэн, «Развитие системы оказания первичной медико-санитарной помощи» федеральнай бырайыагынан олоххо киллэриллэр.
СӨ Ил Дарханын уонна Бырабыыталыстыбатын пресс-сулууспата
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…