Санкт-Петербурга Саха сирин күннэрин иитинэн умнуллубат бэлиэ тэрээһиннэр буоллулар.
Саха суругун-бичигин төрүттээбит лингвист-учуонай, уопсастыбаннай-бэлитиичэскэй диэйэтэл, бастакы алпаабыты оҥорбут, Петроградтааҕы судаарыстыбаннай университеты бүтэрбит Семен Андреевич Новгородов аатынан искибиэргэ өйдөбүнньүк мэҥэ тааһы ууруу умнуллубат тэрээһинигэр дьон-сэргэ тоҕуоруста.
РФ бэрэсидьиэнигэр СӨ бастайааннай бэрэстэбиитэлэ Андрей Федотов бу Санкт-Петербург-Ленинград уонна Саха сирин историяларыгар суолталаах күн буоларын бэлиэтээтэ.
«Семен Андреевич Арассыыйа судаарыстыбатыгар сибээс өссө бөҕө, чиҥ буоларыгар элбэҕи оҥорбута. Семен Андреевич Новгородов төрөөбүтэ 130 сылыгар, Санкт-Петербург салалтата саха норуотун чулуу бэрэстэбиитэлин туһунан үйэтитиигэ быһаарыныыта улахан үөрүүлээх. Тиһиктээх үлэ ыытыллар буолан, сибээс өссө бөҕөргүүр», — диэн этэр Андрей Сандаминович.
«Саха сирин уопсастыбаннаһын баҕа санаатыгар хардаран, Санкт-Петербург Бырабыыталыстыбатын уонна биһиги губернаторбыт быһаарыыларынан, искибиэргэ Семен Новгородов аата иҥэриллибитэ. Биһиги оройуоммут сыала, бу сири тупсарыы. Маныаха Чурапчы оройуона үлэҕэ кыттыһарыгар эрэнэбин», — диир Санкт-Петербург Выборгтааҕы оройуонун дьаһалтатын баһылыга Виктор Полунин.
Чурапчы улууһун баһылыга Степан Саргыдаев Саха сирин олохтоохторун ааттарыттан Санкт-Петербург Бырабыыталыстыбатыгар уонна Выборг оройуонун салалтатыгар Семен Новгородов төрөөбүтэ 130, САССР 100 сылларыгар олус үчүгэй бэлэхтэрин иһин махтанна.
Санкт-Петербург Выборг оройуона уонна лингвист-учуонай Семен Новгородов төрөөбүт дойдута Чурапчы улууһа, бары эйгэҕэ хардарыта сибээһи ыкса тутан бииргэ үлэлииргэ Сөбүлэһиигэ илии баттаатылар.
Ил Дархан уонна СӨ Бырабыыталыстыбатын пресс-сулууспата
Андрей Сорокин (СИА) хаартыскаларга түһэриитэ
Дьокуускайга бэрэбиэркэ кэнниттэн "Күнтэгил" чааһынай уһуйаан иитээччитин үлэтиттэн уураттылар. Бу сайын уһуйаантан түөрт оҕо куоппута.…
Бэҕэһээ «Путь воина» күрэхтэһиигэ Саха сирин «Боотур» хамаандата уонна Хабаровскай «Амурские воины» хамаанда кииристэ. Бу…
Балаҕан ыйын 17 күнүгэр түөрт быыһааччы Мэҥэ Хаҥалас улууһун Чыамайыкытыгар бу саас сураҕа суох сүппүт…
Оҕо эрдэхпинэ ыалларым ону-маны кистээн баран, "ол ханна сытарый?" диэн сураһаллара. Онуоха мин ханна сытарын…
Саха сиригэр буолан ааспыт быыбарга байыаннай дьайыы 18 кыттыылааҕыттан 9-һун таллылар. Кинилэр ортолоругар муниципальнай тэриллии…
Баччаларга, аһын барытын хомуйбут кэнниттэн, тэпилииссэни сернай шашканы уматан ыраастыыр үчүгэй. Ити эрээри бу дьаһал…