Сардана Трофимова «Юность» стадиоҥҥа сүүрүүгэ маастар-кылаас ыытыаҕа

Дьокуускайга ыам ыйын 20 күнүгэр чэпчэки атлетикаҕа норуоттар икки ардыларынааҕы кылаастаах спорт маастара, марафоҥҥа Арассыыйа биэс төгүллээх чөмпүйүөнэ Сардаана Трофимова «Юность» стадиоҥҥа сүүрүү тиэхиникэтигэр босхо маастар-кылаас ыытыаҕа.

Дьарык кэнниттэн ааттаах-суоллаах спортсменканы кытта бииргэ сүүрүү буолуоҕа.

Урут маастар-кылаас ыытыллар сирэ «Туймаада» стадион диэн биллэриллибитэ эрээри, тэрийээччилэр уларыйыы тахсыбытын иһитиннэрдилэр. Санатан эттэххэ, тэрээһини ыччат бырабыыталыстыбата көҕүлээбит «Доруобуйа лигата» бырайыак чэрчитинэн, СӨ Успуорка уонна физкултуураҕа министиэристибэтэ ыытар.