Саргылаана Жайлаубаева: «Байыастары харыстыыр, хаххалыыр сиэккэлэри оҥоробут»

«Арассыыйа – мин устуоруйам» историческай паарка үлэһиттэрэ байыастарга анаан хаххалыыр сиэккэлэри бэлэмнээтилэр. Ол туһунан хаһыат саайтыгар анаан паарка экскурсиялары тэрийээччитэ Саргылаана Жайлаубаева кэпсээтэ.

— Байыаннай эпэрээссийэҕэ сулууспалыыр байыастарга быйыл олунньуттан саҕалаан харысхал (маскировочнай) сиэккэлэри баайыыга үлэлиир «Боевые шелкопряды Якутии» салайааччыта Васильева Марина Иннокентьевна көҕүлээһинин өйөөммүт, бэс ыйыгар сиэккэлэри бэлэмнииргэ ылсан, бэйэбит волонтер үлэтин саҕалаабыппыт. Салайааччыбыт Дмитрий Соловьев өйөөн, сиэккэҕэ наадалаах матырыйаалы ылбыппыт. Биһиги кэлэктииппит үлэһиттэрин, түмэлбит смотрителлэрин бу үлэтигэр ХИФУ ИЕН уонна историческай бакылтыатын устудьуоннара көмөлөспүттэрэ. Онон барыта 20 сиэккэни оҥордубут.
Бэс ыйыгар 4 сиэккэни “Боотур–2 А» этэрээтигэр, от ыйыгар 6 сиэккэни Дьокуускайга Белгородтан уонна Москваттан кэлэн үөрэҕи бара сылдьыбыт БПЛА оҥорор исписэлиистэргэ тиксэрбиппит. Биһиги бу үлэбитин салгыыр, байыаннай дьайыы кыттыылаахтарыгар ыытар санаалаах үлэлии сылдьабыт. Өссө элбэҕи оҥорууо эбиппит да, киһи тиийбэтэ атахтыыр. Пааркаҕа сылдьар элэр ыччаты уонна куорат олохтоохторун көмөҕө ыҥырабыт.