Хаартыска: ааптар.
СӨ Билим дьоҕус академиятын үөрэтэр куорпуһа үлэҕэ киирбитэ муус устарга биир сылын туолар. Онон сибээстээн суруналыыстарга пресс-туур тэрийдилэр. Тэрээһин кэмигэр иһитиннэрбиттэринэн, икки үөрэнээччи бэйэтэ айан таһаарбыт үлэтигэр патент ылбыт.
Билим дьоҕус академията билим, үөрэх тэрилтэлэрин кытта ыкса ситимнээхтик үлэлэһэр. СӨ Үүнэр көлүөнэ пуондатын кытта үөрэх эспэдииссийэлэрин, талааннаах оҕолору сүүмэрдиир куонкурустары ыыталлар. Тустаах тэрилтэ көмөтүнэн үөрэнээччилэр икки үлэлэрин патеннаппыттар. Бу Нерюнгри куорат 24-с нүөмэрдээх информационнай-технологическай лиссиэйин үөрэнээччитэ Марина Бердянова хамаандатын кытта оҥорбут аппарааттара (наушник костной проводимости) буолар. Оҥоһук кулгаахтарынан мөлтөхтүк истэр дьоҥҥо наушник көмөтүнэн дорҕоон долгуна кэлиитин күүһүрдэр. Ону тэҥэ, успуордунан дьарыктанар дьон кэтиэхтэрин сөп.
Иккис патены С.К.Макаров аатынан Чурапчы улуустааҕы гимназиятын үөрэнээччитэ Дуолан Ноев билимҥэ салайааччылара И.В.Сивцев, Ю.М.Макарова сүбэлэринэн гаас хочуолун хонтуруоллуур бырагырааманы оҥорон ылбыт. Бу тэрил көмөтүнэн дьиэ температуратын, гааһы кэтээн көрүөххэ сөп. Көрдөрүүтүн Wi-Fi көмөтүнэн тута саайтка ыытан иһэр.
Билим дьоҕус академиятын проректора Александра Яковлева: “Быйыл үөрэнээччилэр оҥоһуктарыгар сэттэ сайаапканы ыытабыт. Түмүгэ сыл бүтүүтэ биллэрэ буолуо. ХИФУ интеллектуальнай бас билиигэ киинин кытта бииргэ үлэлиибит. Кинилэр патены көрдөөһүҥҥэ, тиэхэньиичэскэй тэрийэр-мэтэдиическэй өттүгэр өйүүллэр. Бэйэ бас билэр авторскай үлэ буолар, онон ааптар бырааба тутуһуллар. Ким эмэ экэнэмиическэй өттүнэн туһаныан баҕарар буоллаҕына ааптарга төлүөхтээх”, — диэн этэр.
Билим дьоҕус академията хайысхаларынан оскуола үөрэнээччилэрин барыларын хабар. Былырыын академия нөҥүө 5 тыһ. тахса оҕо дьарыктаммыт, онтон үөрэххэ бырагыраамаларынан 14 тыһ. тахса үөрэнээччи ааспыт.
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…