Хаартыска: Андрей Сорокин, СИА
Ил Түмэн XV (уочараттаах) пленарнай мунньаҕар норуот дьокутааттара «СӨ үөрэх туһунан» өрөспүүбүлүкэтээҕи сокуон 17 уонна 18 ыстатыйаларыгар уларытыылары киллэриини өйөөтүлэр. Бу сокуоҥҥа уларытыылары киллэриини норуот дьокутааттара Антонина Григорьева, Владимир Егоров киллэрдилэр.
Сокуон барыла ыам ыйын 26 күнүнээҕи 144 №-дээх уонна атырдьах ыйын 8 күнүнээҕи 315 №-дээх Федеральнай сокуоннарынан «Арассыыйа Федерациятыгар үөрэх туһунан» Федеральнай сокуонугар уларытыылары киллэриинэн сибээстээн оҥоһулунна.
Уларытыылары киллэрии сүрүннээн маннык буолла.
17 ыстатыйаҕа: дьиэҕэ үөрэтии төрөппүттэр (сокуоннай бэрэстэбиитэллэр) суругунан уонна оҕо ыарыытын туһунан анал испииһэккэ киллэриллибит мэдиссиинэ түмүгэ баар эрэ буоллаҕына тэриллэр. Мэдиссиинэ тэрилтэтигэр төрөппүттэр суругунан көрдөһүүлэринэн уонна оҕоҕо анал мэдиссиинэ көмөтүн оҥоруу (ол иһигэр үрдүк технологиялаах) туһунан ыспыраапка баар эрэ буоллаҕына тэриллэр.
18 ыстатыйаҕа: анал үөрэххэ киириигэ үлэһиттэргэ уонна сулууспалаахтарга идэҕэ бэлэмнэнии бырагырааматынан үөрэтии орто анал үөрэх бырагыраамаларын баһылааһын эрэ иһигэр буолбакка, орто уопсай уонна үрдүк үөрэх бырагыраамаларын баһылааһыҥҥа босхо оҥоһуллуоҕа.
Ону тэҥэ 18 ыстатыйаҕа: уопсай үөрэхтээһиҥҥэ эппиэттиир Саха Өрөспүүбүлүкэтин судаарыстыбаннай былааһын ситэриилээх уоргана доруобуйатыгар хааччахтаах сүрүн уопсай үөрэҕи эбэтэр орто уопсай үөрэҕи ылбатах (өй-санаа кэһиитин киллэрэн туран) дьону анл үөрэҕи ыларын хааччыйыахтаах.
Сокуон барыла Ил Түмэҥҥэ бастакы ааҕыыга ылылынна.
Бүгүҥҥү Ил Түмэн 15-с уочараттаах пленарнай мунньаҕар Судаарыстыбаннай Дуума дьокутаата Галина Данчикова кыттыыны ылла. Кэлэр…
Тууһу аһылыкка эрэ туттубаттар. Туус тулалыыр эйгэттэн үчүгэйи-куһаҕаны, араас эниэргийэни бэйэтигэр оборон ылар идэлээх. Ол…
Ил Түмэн пленарнай мунньаҕар норуот дьокутааттара «Саха Өрөспүүбүлүкэтин 2026 сыллааҕы уонна 2027-2028 сс. былааннаммыт кэмигэр…
Бүгүн Ил Түмэн уочараттаах мунньаҕар 41 боппуруоһу көрдүлэр. Билиҥҥи уустук балаһыанньаҕа СӨ 2026 сыллааҕы бүддьүөтэ…
Ил Түмэн уон бэһис (уочараттаах) пленарнай мунньаҕар Саха Өрөспүүбүлүкэтин административнай кэһиилэр туһунан Кодексатыгар уларытыылары киллэрии…
Куокуй орто оскуолатыгар Олоҥхо күнүгэр аналлаах тэрээһин буолла. Алын, орто, үрдүкү сүһүөх кылаастар арахсан, олоҥхо…