Хаартыска: Полина Жергина тиксэриитэ.
Куокуй орто оскуолатыгар Олоҥхо күнүгэр аналлаах тэрээһин буолла. Алын, орто, үрдүкү сүһүөх кылаастар арахсан, олоҥхо үс дойдутун көрдөрөр быыстапканы туруордулар.
Тэрээһин үөрүүлээх аһыллыыта Өрөгөй ырыанан арылынна. Максим Лоботов, Никита Степанов, Дима Сметанин хомуска сахалыы матыыптары толордулар, орто сүһүөх кылаас оҕолоро бөлөҕүнэн хоһоон аахтылар, иккис кылаас үөрэнээччитэ Айыллаана Дьяконова олоҥхоһут Прокопий Ядрихинскай «Дьырыбына Дьырылыатта кыыс бухатыыр» олоҥхотуттан быһа тардыыны (салайааччы Влада Владиславовна Яковлева), үһүс кылаас үөрэнээччилэрэ Ангелина Яковлева, Богдан Соловьев, Күннэй Гуляева олоҥхону ааҕан толордулар (салайааччы Ирина Удариновна Еремеева). Олоҥхо күнүнэн итиэннэ бу күн биир дойдулаахпыт, суруйааччы Тимофей Сметанин төрөөбүт күнүнэн эҕэрдэ тыллары Куокуй орто оскуолатын дириэктэрэ Иннокентий Петров, «Угуйаан» култуура киинин уус-уран салайааччыта Полина Андреевна эттилэр.
Салгыы «Олоҥхо дойдутун устун айан» олоҥхо айымньыларынан кинигэ быыстапката турда. Оллоонноон олорон олоҥхону иһиттибит, ааҕыы түһүлгэлэрэ, олоҥхо тиэмэтигэр уруоктар буоллулар. Бу күн «Угуйаан» култуура киинигэр П.А. Ойуунускай «Дьулуруйар Ньургун Боотур» олоҥхотун пластинкатын чуумпуран олорон иһиттибит. Ол кэннэ Олоҥхо дьыктаанын суруйдубут. Кэлэр 2026 сылга Олоҥхо ыһыаҕа Кэбээйи улууһугар ыытыллар.
Иннибитигэр өссө да элбэх тэрээһиннэр былаан быһыытынан ыытылла туруохтара. Саха Олоҥхото самныбат саргыланнын!
Полина Жергина, Кэбээйи улууһа, Куокуй нэһилиэгэ
Никита Кудряшов салайааччылаах «Полярные волки 2017» хамаанда Уһук Илин уокуругар оҕолорго хоккейга лигатын «А» бөлөҕөр…
Бүгүн, алтынньы 28 күнүгэр, Арассыыйа үрдүнэн саамай сырдык уонна истиҥ бырааһынньыктарбытыттан биирдэстэрэ — күлүмнэс мичээрдээх,…
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…