Сэбээн Күөл айылҕата буоста аккырыыккатыгар бэчээттэниэҕэ

Бу сыл муус устар 15 күнүттэн ыам ыйын 31 күнүгэр диэри «Посмотри – это Якутия» хаартысканан куонкурус түмүктэннэ.

Амматтан, Үөһээ Бүлүүттэн, Кэбээйиттэн, Намтан, Ньурбаттан, Сунтаартан, Томпоттон, Уус Алдантан уонна Дьокуускай куораттан киирбит 205 бастыҥ үлэлэртэн үс бастыҥ үлэлэр талылыннылар. Кинилэр ортолоругар Кэбээйи сэлиэнньэтин олохтооҕо Надежда Алаганчакова үлэтэ бастыҥнар ахсааныгар киирдэ.

Надежда Алаганчакова үлэтэ «Айылҕа» номинацияҕа кыайыылааҕынан таҕыста. Кыайыылаахтар хаартыскаларын саҥа буоста аккырыыккаларын оҥорууга туһаныахтара. Наҕараадалааһын норуоттар икки ардыларынааҕы «Книжный ветер» дьаарбаҥкаҕа ыытыллыаҕа.

Елена Мушакова