Хаартыска: СИА,
Муус устар 4 күнүгэр «Арассыыйа — мин устуоруйам» пааркаҕа «Острый карандаш Бориса Ефимова» быыстапка арылынна. Мультимедийнай көрүҥүнэн график-худуоһунньук Борис Ефимович Ефимов 200 үлэтэ көрдөрүүгэ турда.
ССРС норуодунай худуоһунньуга, Социалистическай Үлэ Дьоруойа, бэлитиичэскэй карикатура маастара Борис Ефимов үс үйэҕэ олорбута, айбыта-туппута. Кини 107 сааһыгар диэри уруһуйдуура, 109 сааһыгар өлбүтэ. Кини бэйэтин кэмин улуу түгэннэрин — Өктөөп өрөбөлүүссүйэтин, гражданскай, Аҕа дойдуну көмүскүүр улуу сэриилэри, улугуруу кэмин, уларыта тутууну, о.д.а. уруһуйдаабыта, 21-с үйэҕэ кытта үлэлээбитэ.
Дьокуускайга кини быыстапкатын биллэр уопсастыбаннай, бэлитиичэскэй диэйэтэл, суруйааччы Николай Стариков экскурсия оҥорон, билиһиннэрдэ.
Быыстапкаҕа худуоһунньук ааспыт үйэ 30-70 сылларыгар айбыт үлэлэрэ, устуоруйа кэрэһиттэрэ киирбиттэр.
— Борис Ефимов карикатуралара билигин да сытыылар, тоҕо диэтэр, «тымныы сэрии» саҕана ССРС арҕааҥҥы күүстэри кытары утарыта турсуутун дьүһүйбүтэ. Билигин да Арассыыйаҕа бу кыһалҕа сытыытык турар, — диэн Николай Стариков эттэ.
Николай Стариков бу мультимедийнай быыстапканы Арассыыйа 10 куоратыгар билиһиннэрэр. Уһук Илиҥҥэ Дьокуускайтан саҕалаата. Кини өссө лиэксийэ аахта уонна «Террор. Кому и зачем он нужен» кинигэтин сүрэхтээтэ.
Ил Дархан, бырабыыталыстыба дьаһалтатын пресс-сулууспата.
Экэнэмиичэскэй пуорумҥа Социальнай чинчийиилэр эспиэртиир институттара (АНО ЭИСИ) кыттыылаах Уһук Илиҥҥи эрэгийиэннэр салайар быраактыкаларыгар социальнай…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Владивостокка Уһук Илиннээҕи федеральнай университет кампуһугар саамай былыргы сэлии тобохторо угуллубут саркофагын аҕаллылар. Илиҥҥи экэнэмиичэскэй…
Сахабыт сирин агрооскуолалара сылын ахсын оҕуруот аһын арааһын олордоллор, оскуолаларын дьэрэкээн сибэккинэн симииллэр. Олортон биирдэстэринэн…
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…
Арассыыйаҕа балаҕан ыйын 1 күнүттэн суол быраабылаларыгар уларытыылар олоххо киириэхтэрэ, оҕо кириэһилэтигэр ирдэбил кытаатыаҕа. Быраабы…