«Сэлии кыыл дойдута» этно-шоу көрөөччүнү сөхтөрдө! (ВИДЕО)

Субуотаҕа, муус устар 15 күнүгэр, өрөспүүбүлүкэ култуурунай олоҕун биир саамай чаҕылхай түгэнинэн Саха сирин Бриллиантовай цииркэтин «Сэлии кыыл дойдута» («Земля мамонта») этно-шоу премьерата буолла. 

Бу тэрээһин Норуоттар икки ардыларынааҕы Цииркэ күнүгэр буолан, артыыстар көрөөччүгэ дьоһуннаах бэлэҕи оҥордулар.

Марфа уонна Сергей Расторгуевтар ааттарынан Саха сирин судаарыстыбаннай цииркэтигэр дойду тэбэр сүрэҕиттэн ыҥырыллан кэлбит РФ үтүөлээх артыыһа, Удмуртия Өрөспүүблүкэтин үтүөлээх артыыһа, Арассыыйатааҕы судаарыстыбаннай цииркэ хампаанньатын  кылаабынай режиссера Елена Петрикова этническэй ис хоһоонноох икки отделениелаах шоу-көстүүгэ Саха сирин түҥ былыргытыттан күн бүгүҥҥэ диэри олоҕун устуоруйатын толору хабан көрдөрүүтэ көрөөччүнү соһутта да, үөртэ да. Арассыыйа режиссерун кытта бииргэ үлэлээбит Саха циркэтин сүрүн режиссера Мария Попова-Харлампьева,  хореограф-постановщик Наталья Новичкова, бары билэр, сүрэхпит ортотунан киирэр сахалыы матыыптары сонун тыыннаабыт композитор Дмитрий Машков  көрөөччү махталлаах дохсун ытыс тыаһын хомуйдулар.

Бриллиантовай цииркэ түөрт атахтаах доҕотторо көрөөччү кутун эмиэ туттулар.

Саха цииркэтин акробаттара, эквилибристара, гимнастара, канатоходецтара элбэхтэрэ, таһымнара үрдүгэ сөхтөрдө.

Саха цииркэтин салалтата бу нүөмэрдэртэн сороҕун  Испанияҕа уонна Казахстан Өрөспүүбүлүкэтигэр Астанаҕа  ыытыллыахтаах «Азия дуораана» норуоттар икки ардыларынааҕы бэстибээлгэ кытыннара илдьэргэ былаанныыр.

Этническэй шоуну сылтан ордук бэлэмнээтилэр. Бырайыакка 250 ааптарскай көстүүм, араас эриэккэс оҥоһуулаах декорация, цииркэ араас жанрдарын артыыстара бары хабыллан, улахан үлэни көрдөрдүлэр. Кэрэхсэбиллээҕэ баар, этно-шоуга көрөөччүнү кытта олус истиҥ ыкса сибээс олохтонно.

Цииркэҕэ шоуну көрө кэлбит көрөөччүлэр идэтийбит артыыстартан хаалсыбатылар, бэртээхэй нүөмэри көрдөрдүлэр.

Этно-шоуну көрө олорон, көстүүмүттэн саҕалаан, муусукатыгар, артыыстар хамсаныыларыгар тиийэ киһи хас биирдии нүөмэргэ дууһалыын «киирэн» хаалар дьикти түгэннэргэ куустаран ыллыбыт. Бу кистэлэҥин туһунан «Мамонт дойдута» шоу-көстүү режиссера Елена Петрикова санаатын маннык үллэһиннэ:

Елена Петрикова олус талааннаах режиссер, этническэй ис хоһоонноох тэрээһиннэри тэрийиигэ идэтийбит исписэлиис санаатын салгыы маннык үллэһиннэ:

Казахстан Өрөспүүбүлүкэтин үтүөлээх артыыһа, Астана куорат цииркэтин генеральнай дириэктэрэ Ерик Жолжаксынов этно-шоуну көрөн баран, олус долгуйан туран санаатын үллэһиннэ:

Бриллиантовай цииркэ ыҥырыылаах ыалдьыттарынан Кыргызстан, Казахстан, Таджикистан, Владивосток судаарыстыбаннай цииркэлэрин дириэктэрдэрэ буоллулар. Бэйэтин санаатын Владивостоктааҕы судаарыстыбаннай цииркэ салайааччыта Юрий Кузнецов Саха сиригэр бастакы сырыытын, Бриллиантовай  цииркэттэн туох уопуту ылбытын туһунан кэпсээтэ:

Казахстан Өрөспүүбүлүкэтин Алма-Аты куоратын Судаарыстыбаннай цииркэтин дириэктэрэ Максат Жаиков  «РФ уонна СӨ үтүөлээх артыыһа  Сергей Расторгуев цииркэ корифейын быһыытынан үлэтин уопутун норуоттар икки ардыларынааҕы таһымнаах маастар-кылаастары ыыттаран туһаныахха наада» диэн санаатын тиэртэ:

Үгүс көрөөччү санаата биир буолла: «Театрализованнай көстүүнү биир тыынынан көрдүбүт.  Ис истэн өрө көтөҕүллүү, сөҕүү-махтайыы  — «бу барыта биһиги, сахалар цииркэбит!» диэн артыыстарбытынан киэн туттуу санаатын сахта. Цииркэ салайааччыта Сергей Расторгуев эҕэрдэ тылыгар цииркэтин артыыстарыгар уонна  көрөөччүлэригэр таптала, сүгүрүйүүтэ иһиллэр. Бары олус  үөрэн, сүргэбит көтөҕүллэн, кэрэни уонна сырдыгы үксэтиэх санаа баһыйда…». Этно-шоу төһө да бүттэр, көрөөччүлэр «өссө!..» диэбиттии, тарҕаспакка олордубут. Цииркэ дириэктэрэ шоуну тэрийбит дьону сыанаҕа таһааран анаан айхаллаата.

Шоуну тэрийээччилэр күндү бэлэхтэрэ — «Мамонт дойдута» этническэй шоу театрализованнай чаҕылхай көстүүтэ муус устар ыйы быһа  көстүөҕэ.

Биллэн турар, өрүү сонуну-саҥаны толкуйдуу сылдьар салайааччы, Бриллиантовай цииркэ дириэктэрэ Сергей Расторгуев санаатынан бу матырыйалбын түмүктүүбүн:

Салгыы Сергей Васильевич  кэскиллээх былаанын билиһиннэрдэ:

Бу курдук талааннах, үрдүк таһымнаах артыыстардаах, сатабыллаах салайааччылаах Саха судаарыстыбаннай цииркэтэ төрөөбүт дойдубутун, тапталлаах өрөспүүбүлүкэбитин аатырда турдун!

Сотору кэминэн саҥа киэҥ цииркэ уораҕайа тутуллан, цииркэ эрэ үлэһиттэрин буолбакка, көрөөччүлэри барыбытын үөрдэ турарыгар ис сүрэхпититтэн эрэнэбит.