Хаартыска: Денис Попов (Сахамедиа).
Көмүс күһүммүтүн кытары быйылгы быыбарбыт бу тиийэн кэллэ. Быйылгы тэрээһиҥҥэ кыттаары сылдьар дьон санааларын ааһан, бастаан хайдах-туох быыбардаабыттарын ыйыталастыбыт.
Сэмэн Попов-Сэмэн Тумат, СӨ норуотун суруйааччыта, П.А. Ойуунускай аатынан судаарыстыбаннай бириэмийэ лауреата:
– Мин, 1944 сыллаахха төрөөбүт киһи, күн бүгүҥҥэ диэри үтүмэн үгүс быыбарга кыттан кэллим. СӨ бастакы бэрэсидьиэнэ Михаил Ефимович Николаев былааска тахсыытын, ол быыбар кыайыытын дорҕоонун көрбүт дьоллоохпун. Өрөспүүбүлүкэ бэйэтин суверенитетын ылынан, дьаһанан эрэр бастакы тосхолун көрдөрбүт киһинэн Михаил Ефимович буолар. Кини былааска тахсыыта, андаҕар биэриитэ барыбыт сүргэбитин улаханнык көтөхпүтэ.
Быыбардар олус көхтөөхтүк, норуот бары эйгэтин көтөҕөр сыаллаах-соруктаах бараллар. Норуот ону өйдөөтө уонна бэйэтин санаатын толору этэр салайааччыны, дьокутааты хандьыдаатынан туруорарга дьулуһар, салгыы даҕаны дьулуһуо дии саныыбын.
Быйылгы быыбар дойдубут улахан кыһалҕалаах кэмигэр, норуот түмсүүлээх буоларын хааччыйар хайысхаҕа барарын быһыытынан, бары тахсан бэйэбит куоласпытын биэрэрбит сөптөөх. Онон Арассыыйа, Өрөспүүбүлүкэ гражданинын быһыытынан быыбарга үөрэ-көтө куоласпын биэрэргэ бэлэм сылдьабын. Арассыыйабын көмүскүүбүн, Сахам сирин дьолун-соргутун туһугар санаабын холбуубун!
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…