Хаартыска: Ил Дархан пресс-сулууспата
Саха Өрөспүүбүлүкэтин Ил Дарханын ыйааҕынан, алмааһы хостуур салааҕа өҥөтүн, Саха Өрөспүүбүлүкэтин социальнай-экэнэмиичэскэй сайдыытыгар ураты кылаатын уонна өр сыллаах үтүө суобастаах үлэтин иһин, өрөспүүбүлүкэ “Хотугу сулус” уордьанынан наҕараадаланна:
Сергей Сергеевич Иванов – “АЛРОСА” аахсыйалаах хампаанньа бырабылыанньатын генеральнай дириэктэр-бэрэссэдээтэлэ.
Сергей Иванов “АЛРОСА” аахсыйалаах хампаанньаны 2017 сыл кулун тутарыттан салайбыта. Ил Дархан Айсен Николаев бэлиэтээбитинэн, Сергей Иванов алта сыл хампаанньаны салайар кэмигэр АЛРОСА аан дойдуга алмааһы хостооһуҥҥа инники күөҥҥэ сүҥкэн хардыыны оҥордо.
«Кэнники сылларга биһиги судургута суох кэккэ тургутууну бииргэ аастыбыт. Ол — коронавирус пандемията, сааҥсыйалар уонна экэниэмикэ кириисиһэ, айылҕа алдьархайа. Ыарахаттары бииргэ туораатыбыт, АЛРОСА Саха сиригэр куруук бигэ тирэҕинэн буолар”, — диэн бүгүн Ил Дархан хампаанньа хаһаайыстыбаннай актыыбыгар кыттарыгар эттэ.
Кини бэлиэтээбитинэн, хампаанньа коронавируһу утары охсуһууга миллиартан тахса солкуобайы биэрбитэ, дьон доруобуйатын туһугар үлэҕэ сүрүн түмүгү ылары ситистибит – биһиги өрөспүүбүлүкэбитигэр коронавирустан өлүү дойдуга биир саамай намыһах көрдөрүүлээх – РФ-га 81-с миэстэ. 2021 сыл сайыныгар Горнай улууһун Бэс Күөлүгэр күүстээх баһаар турбутугар АЛРОСА баһаартан эмсэҕэлээбиттэргэ саҥа дьиэни тутарга көмөлөспүтэ.
Хампаанньа сөптөөх стратегиятын көмөтүнэн, салааҕа ыарахан сылларга үлэ кэлэктиибин уонна оҥорон таһаарыыны оннунан хаалларда. 2021 сыллаахха саамай уустук кэмҥэ хампаанньа акционердара дивиденнэр муҥутуур элбэх суумаларын ылбыттара.
2018 сылтан АЛРОСА бөлөҕүн тэрилтэлэригэр Саха сирин 12 тыһыынчаттан тахса олохтооҕо үлэҕэ ылылынна. АЛРОСА үбүн суотугар куораттарга уонна улуустарга балыыһалар уонна оскуолалар, култуура уонна успуорт эбийиэктэрэ, олорор дьиэлэр, суоллар, аэропортар, коммунальнай хаһаайыстыба эбийиэктэрэ тутулуннулар уонна тутуллаллар.
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр, Быыбар…
Балаҕан ыйын 13 күнүгэр, Чурапчы Күнүн чэрчитинэн, ырыаҕа ылламмыт, хоһооҥҥо холбоммут Тоҕус томтордоох Чурапчыга, Егор…
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…
«Воин» киин уонна Саха Өрөспүүбүлүкэтин Бырабыыталыстыбата балаҕан ыйын 15-21 күннэригэр ыытыллар «Путь воина» байыаннай-тактическай күрэхтэһиилэр…
Дьокуускайга 23 саастаах таксыыһы туттулар. Эдэр киһи полиция үлэһиттэриттэн куота сатаабыт. Бу туһунан СӨ ИДьМ…
Саха сирин олохтоохторо улуустар уонна нэһилиэктэр баһылыктарын, итиэннэ оройуон уонна нэһилиэк дьокутааттарын таллылар. "Улуус баһылыктарынан…