Сергей Каргин «Хорсунун иһин» II истиэпэннээх мэтээлинэн наҕараадаланна

Байыаннай дьайыы кыттыылааҕа, Юнармия Алдан салаатын ыстаабын салайааччыта Сергей Каргин «Хорсунун иһин» II истиэпэннээх мэтээлинэн наҕараадаланна.

Владимир Путин туһааннаах Ыйаахха илии баттаата, оттон Ил Дархан Айсен Николаев наҕарааданы туттарда. Бу туһунан  Алдан оройуонун дьаһалтатын пресс-сулууспата иһитиннэрдэ.

Сергей Петрович баҕа өттүнэн «Барс» 2-с батальонугар сулууспалаабыта. Бу иннинэ кинини ЛНӨ баһылыга байыаннай иэһин чиэстээхтик толоруу иһин наҕараадалаабыта. Санаттахха, Алдан улууһугар оробуочай сырыытын кэмигэр Ил Дархан Айсен Николаев Арассыыйа Дьоруойа Игорь Юргин аҕатын Василий Алексеевиһы көрүспүтэ.

— Сергей баҕа өттүнэн «Боотур»  этэрээт кэккэтигэр сулууспалаабыта. Байыаннай сорудахтарын барытын чиэһинэйдик толорон, билигин дьиэтигэр этэҥҥэ төннүбүтэ. Кини сулууспалыы сылдьар оҕолоругар барыларыгар улахан эҕэрдэтин тиэрдэр. Сахабыт сирэ киэн туттар!, — диир Айсен Николаев.

«Хорсунун иһин» мэтээл 2023 с. кулун тутар 23 күнүттэн  Российскай Федерация Бэрэсидьиэнин 185 №-дээх Ыйааҕынан тэриллибитэ. Мэтээлинэн Арассыыйа гражданнара дойдуну  уонна Российскай Федерация судаарыстыбаннай интэриэстэрин көмүскээһиҥҥэ, чөлүгэр түһэриигэ, хорсун быһыыларын иһин наҕараадаланаллар.