Саха сириттэн бэһис Арассыыйа Дьоруойа баар буолла!

РФ Бэрэсидьиэнин ыйааҕынан Алдан оройуонун Аллараа Кураанах  бөһүөлэгиттэн төрүттээх майор Игорь Юргин  үрдүк судаарыстыбаннай наҕарааданан — Арассыыйа Федерациятын Дьоруойун сулуһунан бэлиэтэннэ.  Бу туһунан Ил Дархан бэйэтин ТГ-ханаалыгар иһитиннэрдэ.«Игорь бойуобай дьайыылар буола турар сирдэригэр бастакы күннэртэн ыла сылдьар. Кини дойдутугар бэриниилээх буолуу холобурун, Ийэ дойдутугар тапталын көрдөрөр. Бу кэм устата эдэр киһи Хорсунун иһин икки уордьанынан уонна «За отвагу» мэтээлинэн наҕараадаламмыта.  Саха сирэ бэйэтин уолунан киэн туттар! Кыайыы туһугар — инники!», — диэн суруйда Ил Дархан Айсен Николаев.