Сэрии кыттыылаахтарыгар Кыайыы чорооннорун туттардылар

Улуу Кыайыы күнүн көрсө, ыам ыйын 7 күнүгэр, СӨ Бырабыыталыстыбатын Бэрэссэдээтэлин солбуйааччы Георгий Степанов Дьокуускай куорат салайааччылара Аҕа дойду Улуу сэриитин бэтэрээннэрин кытта көрсүһүүлэригэр кыттыыны ылла.

Үөрүүлээх тэрээһиҥҥэ Ил Дархан аатыттан Георгий Степанов сэрии кыттыылаахтарыгар Петр Константинович Яковлевка, Кирилл Егорович Павловка, Наум Трифонович Слепцовка, Мартын Герасимович Григорьевка уонна блокаднай Ленинград олохтоохторугар – Анна Петровна Захароваҕа, Людмила Тимофеевна Зипуноваҕа, Эльва Давыдовна Ушницкаяҕа уонна Анатолий Сергеевич Макушиҥҥа Кыайыы чорооннорун туттарда.

«Эһиги дойдугут тутулуга суох буолуутун көмүскээбит, эйэлээх Арассыыйаҕа уонна биһиги тапталлаах Сахабыт сиригэр ыччакка 21-с үйэҕэ олорор кыаҕы биэрбиккит. Ол иһин махтанабыт уонна сүгүрүйэбит», — диэтэ Георгий Степанов эттэ.

СӨ Бырабыыталыстыбатын бэрэссэдээтэлин солбуйааччы бэтэрээннэргэ ыам ыйын 9 күнүн 80 сыл анараа өттүгэр курдук эрчимнээх, эдэр дууһалаах, көрсөллөрүгэр баҕарда.