Сэтинньи 17 күнэ: хаардыыр, күнүс -36°С кыраадыс

Бүгүн, сэтинньи 17 күнүгэр, Саха сирин арҕаа улуустарынан кыралаан хаардыыр, сорох сиринэн соҕуруулуу-арҕаа, киин оройуоннарынан уонна Халымаҕа хаар түһэр. Бу туһунан УГМС саайта иһитиннэрэр.

Соҕуруулуу-арҕааттан, арҕааттан, соҕуруулуу-арҕааттан Өлүөнэ алын тардыытынан, соҕурууттан сөкүүндэҕэ 15-20 м. түргэннээх күүстээх тыаллаах,  Булуҥҥа сөкүүндэҕэ 17-22 м. диэри силлиэ тыалырыа, буурҕа түһэр.

Салгын температурата түүн -30…-35°, халыннаҕына -34…-39°, хотугулуу-илин намыһах сирдэринэн  -40…-45°, соҕуруу -24…-29°, хотугулуу-арҕаа-17….-22°, соҕуруулуу-арҕаа -12…-17°. Күнүс -23…-28°, хотугулуу-илин намыһах сирдэринэн -31…-36°, соҕуруу -13…-18°, хотугулуу-арҕаа -5…-10°, арҕаа -1…-6°.

Дьокуускайга салгын температурата түүн -32…-34°, күнүс -25…-27° кыраадыс тымныы. Түүн сөҥүүтэ суох, киэһэтин хаардыыр, хотугулуу-илинтэн сөкүүндэҕэ 2-5 м. түргэннээх тыаллаах.